អ្នកជំនាញ ចាប់បានក្រពើស៊ីមនុស្ស នៅហ្វីលីពីន

2018-12-04 06:50:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រពើប្រវែងជាង ៤ម៉ែត្រកន្លះ ចំនួន១ក្បាល ត្រូវបានគេដាក់អន្ទាក់ចាប់កាលពីថ្ងៃទី១ ខែធ្នូ ឆ្នាំ២០១៨ បន្ទាប់ពីអ្នកនេសាទម្នាក់ អាចត្រូវបានក្រពើនេះ ស៊ីកាលពីសប្ដាហ៍មុន នៅភាគខាងត្បូងប្រទេសហ្វីលីពីន។

ក្រពើប្រវែងជាង ៤ម៉ែត្រកន្លះ ចំនួន១ក្បាល ត្រូវបានគេដាក់អន្ទាក់ចាប់កាលពីថ្ងៃទី១ ខែធ្នូ ឆ្នាំ២០១៨ នៅហ្វីលីពីន

ក្រពើដែលមានទម្ងន់ជិត ៥០០គីឡូក្រាមនេះ ត្រូវបានសង្ស័យថា បានស៊ីអ្នកនេសាទឈ្មោះ Cornelio Bonite អាយុ ៣៣ឆ្នាំ កាលពីថ្ងៃអង្គារ សប្ដាហ៍កន្លងទៅ។ សពរបស់ជនរងគ្រោះ ត្រូវបានប្រទះឃើញ នៅមាត់ទន្លេក្នុងខេត្ត Palawan ប្រទេសហ្វីលីពីន។ សព បានដាច់បាត់ ដៃខាងស្ដាំ និងជើងខាងឆ្វេង។

អ្នកនាំពាក្យក្រុមប្រឹក្សាខេត្តទទួលបន្ទុកអភិវឌ្ឍបុគ្គល Jovic Fabello បានឲ្យដឹងថា ក្រពើទឹកប្រៃនេះ ត្រូវបានក្រុមជំនាញមកពីមជ្ឈមណ្ឌលជម្រក និងជួយសង្គ្រោះសត្វព្រៃ Palawan ដាក់អន្ទាក់ចាប់បាន ក្នុងទន្លេនៅតំបន់ខាងលើ។

អ្នកនាំពាក្យនេះបន្តថា ក្រពើនោះ ត្រូវបានបញ្ជូនទៅកាន់ក្រុង Puerto Princesa ដើម្បីឲ្យអ្នកជំនាញ ធ្វើការពិនិត្យក្រពះរបស់វា ថាតើវាបានស៊ីអ្វីខ្លះ ថ្មីៗកន្លងទៅ៕