អាមេរិក ទុកពេល ៦០ថ្ងៃ ឲ្យរុស្ស៊ីអនុវត្តតាមសន្ធិសញ្ញានុយក្លេអ៊ែរ
- 2018-12-05 02:46:36
- ចំនួនមតិ 0 | ចំនួនចែករំលែក 0
អាមេរិក ទុកពេល ៦០ថ្ងៃ ឲ្យរុស្ស៊ីអនុវត្តតាមសន្ធិសញ្ញានុយក្លេអ៊ែរ
ចន្លោះមិនឃើញ
អាមេរិក កាលពីថ្ងៃទី៤ ខែធ្នូ ២០១៨ ម្សិលមិញ បានព្រមានប្រទេសរុស្ស៊ីថា អាមេរិកនឹងដកខ្លួនចេញពីសន្ធិសញ្ញានុយក្លេអ៊ែររយៈចម្ងាយមធ្យម ប្រសិនបើរុស្ស៊ីមិនរំសាយមីស៊ីល ដែលក្រុងវ៉ាស៊ីនតោនថា ការរំលោភកិច្ចព្រមព្រៀងនេះ គឺនៅក្នុងរយៈពេល ៦០ថ្ងៃទៀត។
ចំណែកខាងអង្គការណាតូវិញបញ្ជាក់ថា បច្ចុប្បន្ន វាអាស្រ័យលើប្រទេសរុស្ស៊ី ដើម្បីរក្សាសន្ធិសញ្ញានេះ ដែលត្រូវបានមើលឃើញជាផ្នែកសំខាន់មួយនៃស្ថាបត្យកម្មគ្រប់គ្រងអាវុធសាកល។
អាមេរិក និងអង្គការណាតូបានបញ្ជាក់ថា ប្រព័ន្ធមីស៊ីលរុស្ស៊ី 9M729 បានរំលោភលើសន្ធិសញ្ញាមីស៊ីលរយៈចម្ងាយមធ្យម ដែលហាមមិនឲ្យមានមីស៊ីលដែលបាញ់ចេញពីផ្ទៃដី ក្នុងរយៈចម្ងាយពី ៥០០ ទៅ ៥៥០០គីឡូម៉ែត្រ។
ចំណែកមីស៊ីលបំពាក់ក្បាលគ្រាប់នុយក្លេអ៊ែរ ដែលភ្ជាប់នៅលើនាវារុស្ស៊ីវិញ អាចចល័ត និងពិបាកក្នុងចាប់សញ្ញាណ ហើយអាចវាយប្រហារទីក្រុងក្នុងទ្វីបអឺរ៉ុប ក្នុងរយៈពេលឆាប់ ឬគ្មានការប្រកាសអាសន្នទាន់ពេល។ នេះបើតាមអង្គការណាតូ៕