លោក សុខ ឥសាន សោកស្ដាយដែលអ្នកខ្លះថា សេចក្ដីថ្លែងការណ៍រដ្ឋាភិបាល រងគំនាបអន្តរជាតិ

2018-12-05 04:17:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក សុខ ឥសាន អ្នកនាំពាក្យគណបក្សប្រជាជន បានថ្លែងថា វាជារឿងគួរឲ្យសោកស្តាយ ដែលមានជនមួយចំនួន បានឆ្លៀតយកការចេញសេចក្ដីថ្លែងការណ៍របស់រាជរដ្ឋាភិបាលទៅនិយាយមួលបង្កាច់ថា ដោយសាររងការគាបសង្កត់ពីអន្តរជាតិ ឬរងការផ្តាច់ការអនុគ្រោះពន្ធនាំចូលទំនិញពីកម្ពុជា EBA និងថា ការចេញសេចក្តីថ្លែងការណ៍ គ្រាន់តែល្បិចពន្យារពេលជាដើមនោះ។

លោក សុខ ឥសាន អ្នកនាំពាក្យគណបក្សប្រជាជន ថ្លែងប្រាប់អ្នកសារព័ត៌មាន នាពេលកន្លងទៅ

ក្រសួងការបរទេស បានចេញសេចក្ដីថ្លែងការណ៍របស់រាជរដ្ឋាភិបាល ស្ដីពីវិធានការនានា ដើម្បីពង្រឹងលទ្ធិប្រជាធិបតេយ្យ និងលំហរនយោបាយ កាលពីថ្ងៃទី៣ធ្នូ។ ក្នុងនោះ រាជរដ្ឋាភិបាលមានបំណងសម្រួលស្ថានការណ៍ដល់ប្រព័ន្ធផ្សព្វផ្សាយ សង្គមស៊ីវិល ដែលបានបិទ នាពេលកន្លងមក អាចបើកដំណើរការឡើងវិញ បញ្ចប់រឿងក្ដីក្ដាំនៅតុលាការ របស់មេដឹកនាំសហជីព និងពិភាក្សាផ្លូវច្បាប់ ដើម្បីឲ្យអ្នកនយោបាយ ដែលត្រូវបានបិទសិទ្ធិនយោបាយ ទាំង១១៨រូប អាចមានសិទ្ធិធ្វើនយោបាយឡើងវិញ។

លោក សុខ ឥសាន និយាយថា រដ្ឋាភិបាលកម្ពុជា មានតួនាទីគ្រប់គ្រង និងដឹកនាំប្រទេសកម្ពុជាក្នុងនាមប្រជាជនកម្ពុជា ដោយអនុវត្តត្រឹមត្រូវតាមគោលការណ៍លទ្ធិប្រជាធិបតេយ្យ ការគោរពសិទ្ធិមនុស្ស និងនីតិរដ្ឋ ដើម្បីធានាសន្តិភាព ស្ថិរភាពនយោបាយសុខសុវត្ថិភាពនិងយុត្តិធម៌សង្គមជូនប្រជាជនកម្ពុជាពង្រឹងសាមគ្គីឯកភាពក្នុង ការកសាង និងអភិវឌ្ឈប្រទេស ឆ្ពោះទៅរកការរីកចម្រើនសម្បូររុងរឿង៕

ប្រភព៖ Vayo Fm ប្រែសម្រួល៖ លាភ.