ក្រុមសង្គមងងឹតចិន ២៣២នាក់ ត្រូវបញ្ជូនទៅស្រុកវិញ នៅព្រឹកនេះ

2018-12-06 01:51:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប៉ូលិសចិនបានយកយន្តហោះពិសេសមកយកជនជាតិចិនចំនួន ២៣២នាក់ ក្នុងនោះស្រីចំនួន ៣៨នាក់ ពាក់ព័ន្ធករណីជម្រិតទារប្រាក់តាមប្រព័ន្ធ VOIP ពីប៉ូលិសអន្តោប្រវេសន៍កម្ពុជា នៅព្រឹកថ្ងៃទី០៦ ខែធ្នូ ឆ្នាំ២០១៨។ នេះបើតាមការបញ្ជាក់របស់លោកឧត្តមសេនីយ៍ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍។

ប៉ូលិសកម្ពុជាបានបង្ក្រាបក្រុមសង្គមងងឹតចិនចំនួន ២៣៥នាក់ ពាក់ព័ន្ធករណីជម្រិតទារប្រាក់តាមប្រព័ន្ធ VOIP ទៅប្រទេសចិន កាលពីថ្ងៃទី២៦ ខែវិច្ឆិកា ឆ្នាំ២០១៨ នៅស្រុកត្រាំកក់ និងស្រុកបាទី ខេត្តតាកែវ។

ការបង្ក្រាបនេះនៅ ៤ទីតាំងផ្សេងគ្នា ក្នុងនោះទីតាំងទី១៖ ស្ថិតនៅភូមិបុស្សតាផង់ ឃុំត្រពាំងក្រញូង ស្រុកត្រាំកក់ ឃាត់ខ្លួនជនជាតិចិនចំនួន ៦៣នាក់ ស្រី ៧នាក។ ទីតាំងទី២៖ ស្ថិតនៅភូមិបុស្សតាផង់ ឃុំត្រពាំងក្រញូង ស្រុកត្រាំកក់ ឃាត់ខ្លួនជនជាតិចិនចំនួន ១២នាក់ (ប្រុស)។ ទីតាំងទី៣៖ ស្ថិតនៅភូមិតាំងដូង ឃុំតាំងដូង ស្រុកបាទី ឃាត់ខ្លួនជនជាតិចិន ចំនួន ៧០នាក់ ស្រី ២៤នាក់។ ទីតាំងទី៤៖ ស្ថិតនៅភូមិព្រៃក្រាយ ឃុំតាំងដូង ស្រុកបាទី ឃាត់ខ្លួនជនជាតិចិនចំនួន ៩០នាក់ ស្រី ០៥នាក់។ សរុបទាំង ០៤ទីតាំង ចំនួន ២៣៥នាក់ ស្រី ៣៦នាក់៕