កម្ពុជា-ឡាវ ព្រមព្រៀងធ្វើឯកសារស្នើឲ្យបារាំង ជួយដោះស្រាយបញ្ហាព្រំដែន

2018-12-07 02:26:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្ដេច ហ៊ុន សែន និងក្រុមមេដឹកនាំប្រទេសឡាវ បានឯកភាពគ្នា បន្តស្វែងរកដំណោះស្រាយបញ្ចប់បញ្ហាព្រំដែនដែលនៅសេសសល់ ដោយស្នើឲ្យបារាំង ផ្ញើឯកសារព្រំដែន និងផែនទីរវាងប្រទេសទាំងពីរ ដើម្បីសម្រួលដល់ការដោះស្រាយបញ្ចប់ការខ្វែងគំនិតគ្នាលើការកំណត់ខណ្ឌសីមាប្រទេសទាំងពីរ។

សម្ដេច ហ៊ុន សែន ចាប់ដៃជាមួយលោក នាយករដ្ឋមន្រ្តីឡាវ Thongloun Sisoulith (រូបថត៖ ទំព័រហ្វេសប៊ុកសម្ដេច ហ៊ុន សែន)

ការឯកភាពគ្នានេះ ត្រូវបានធ្វើឡើងអំឡុងដំណើរទស្សនកិច្ចនៅប្រទេសឡាវ កាលពីថ្ងៃទី៥ និងទី៦ខែធ្នូ មុននឹងបន្តដំណើរទៅបំពេញទស្សនកិច្ចនៅប្រទេសវៀតណាម។

សម្ដេច ហ៊ុន សែន បានលើកឡើងថា នៅមានសេសសល់ប្រមាណ ១៤% ទៀតនៃបញ្ហាព្រំដែន ដែលត្រូវដោះស្រាយបញ្ចប់ ជាពិសេសនៅក្នុងតំបន់អូតាង៉ាវ ដែលប្រទេសទាំងពីរនៅមិនទាន់ដោះស្រាយនៅឡើយ។ សម្ដេចនាយករដ្ឋមន្ត្រី ក៏បានឲ្យដឹងពីបំណងក្នុងការចង់ប្រែក្លាយតំបន់ព្រំដែនទាំងអស់នៅជាប់ប្រទេសកម្ពុជា ក្លាយទៅជាព្រំដែនសន្តិភាព មិត្តភាព និងសហប្រតិបត្តិការ សម្រាប់មនុស្សជំនាន់ក្រោយៗ។

សម្ដេច ហ៊ុន សែន បានបញ្ជាក់ឲ្យដឹងថា ប្រទេសទាំងពីរបានចាត់ទុកតំបន់អូរតាង៉ាវ ជាតំបន់ដែលមិនទាន់បានដោះស្រាយ ដោយផ្តោតទៅលើលក្ខខណ្ឌចំនួនបី៖ ទី១ គឺគ្មានវត្តមានកងទ័ពនៃប្រទេសនៅតំបន់នោះ។ ទី២ គឺគ្មានប្រជាជនធ្វើអាជីវកម្មនៅទីនោះ និងទី៣ នៅពេលចុះត្រួតពិនិត្យ គឺភាគីទាំងពីរត្រូវតែធ្វើរួមគ្នា រួមទាំងលើគោក ផ្លូវទឹក និងផ្លូវអាកាស៕

ប្រភព៖ VOA News ប្រែសម្រួល៖ លាភ.