Abro Fernandes៖ ខ្ញុំសង្ឃឹមឈ្នះចាន់ រតនា ៩៩%

2018-12-07 07:16:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករមិនធ្លាប់ចាញ់របស់ឥណ្ឌូណេស៊ី Abro Fernandes បានបង្ហាញជំនឿចិត្តថាអាចយកឈ្នះកីឡាករគុនខ្មែរ ចាន់ រតនា បាន នៅក្នុងទ្រុង ONE Championship នៅម៉ាឡេស៊ី នាល្ងាចថ្ងៃទី៧ ខែធ្នូ នេះ។

Abro ដែលធ្លាប់ប្រកួត ៧ដង ឈ្នះទាំង ៧ដង បានថ្លែងប្រាប់ [ខ្លីៗ] នៅមុនការប្រកួតថា៖ "ខ្ញុំបានត្រៀមលក្ខណៈរួចរាល់អស់ហើយ។ ខ្ញុំជឿជាក់ ៩៩% ថាអាចយកឈ្នះគូប្រកួតរបស់ខ្ញុំ (ចាន់ រតនា) បាន ចំណែកឯ ១% ទៀត ទុកឲ្យព្រះជាម្ចាស់"។

យ៉ាងណាក្ដី តាមរយៈការមើលវីដេអូតាម YouTube កីឡាករឥណ្ឌូណេស៊ី កម្ពស់ ១,៦០ម៉ែត្ររូបនេះ បានកោតសរសើរថា ចាន់ រតនា គឺជាកីឡាករមានក្បាច់ប្រយុទ្ធល្អ ដែលខ្លួនត្រូវប្រុងប្រយ័ត្នជានិច្ច។ Abro បន្ថែមជាចុងក្រោយថា៖ "ការប្រកួតនេះ នឹងក្លាយជាការប្រកួតដ៏អស្ចារ្យ"។

Abro Fernandes ពេលឈ្នះខ្សែក្រវាត់នៅស្ថាប័ន MMA មួយក្នុងប្រទេសឥណ្ឌូណេស៊ី នាពេលកន្លងមក

សូមបញ្ជាក់ថា Abro Fernandes មិនធ្លាប់ចាញ់នោះទេ ក្នុងការប្រកួត ៧ដងនៅក្នុងស្ថាប័នក្នុងស្រុក គឺ ONE Pride ដោយបានឈ្នះខ្សែក្រវាត់មួយថែមទៀតផង។ ចំណែកចាន់ រតនា ធ្លាប់ប្រកួត MMA ៧ដង ឈ្នះ ៤ ចាញ់ ៣ ដែលក្នុងនោះ ៦ដង គឺនៅក្នុងទ្រុង ONE Championship។

ចាន់ រតនា ហ្វឹកហាត់នៅក្លឹប Selapak មុនពេលចេញមកប្រកួតនៅម៉ាឡេស៊ី

ការប្រកួតនឹងចាប់ផ្ដើមវេលាម៉ោង ៥:៣០នាទីល្ងាច។ ចាន់ រតនា និង Fernandes គឺជាគូទី២ ចំណែកកីឡាការិនីកម្ពុជាមួយរូបទៀត គឺ ឯម សុវណ្ណារី ប៉ះកីឡាការិនីអ៊ុយក្រែន ក្នុងគូទី១។ ប្រិយមិត្តអាចទស្សនាការប្រកួតនេះ តាមរយៈ App របស់ ONE Championship ឬ តាម Facebook page របស់ស្ថាប័ននេះផងដែរ៕

គូប្រកួតទាំងអស់ មានដូចខាងក្រោម៖