Liverpool ឡើងមកឈរលើកំពូលតារាង ខណៈ Man City ស្គាល់ការចាញ់ជាលើកដំបូង
- 2018-12-09 00:50:25
- ចំនួនមតិ 0 | ចំនួនចែករំលែក 0
Liverpool ឡើងមកឈរលើកំពូលតារាង ខណៈ Man City ស្គាល់ការចាញ់ជាលើកដំបូង
ចន្លោះមិនឃើញ
ក្រុមហង្សក្រហម Liverpool បានឡើងមកឈរលើកំពូលតារាង Premier League ហើយ ក្រោយបំបាក់ AFC Bournemouth ៤-០ កាលពីយប់មិញ។ ក្នុងនោះ Mohamed Salah ធ្វើបានហេតទ្រីក នៅនាទី២៥, ៤៨ និង ៧៧ និង១គ្រាប់ទៀតជាបាល់ស៊ុតចូលខ្លួនឯងដោយកីឡាកររបស់ Bournemouth គឺ Cook នៅនាទី៦៨។
ចំណែកក្រុមមេឃខៀវ Manchester City បានស្គាល់ការចាញ់ជាលើកដំបូង ក្រោមថ្វីជើងម្ចាស់ផ្ទះតោខៀវ Chelsea ក្នុងលទ្ធផល ០-២។ ២គ្រាប់នេះធ្វើបានដោយ Kante នៅនាទី៤៥ និង David Luiz នៅនាទី៧៨។
គិតត្រឹមសប្តាហ៍ទី១៦នេះ Liverpool គឺជាក្រុមតែមួយគត់នៅ Premier League ដែលមិនទាន់ស្គាល់ការចាញ់នៅឡើយ ឈរនៅលេខ១ មាន៤២ពិន្ទុ, Manchester City ធ្លាក់មកលេខ២វិញ មាន៤១ពិន្ទុ, Tottenham Hotspur លេខ៣ មាន ៣៦ពិន្ទុ ដោយយកឈ្នះ Leicester City ២-០, Chelsea លេខ៤ មាន ៣៤ពិន្ទុ, Arsenal លេខ៥ មាន៣៤ពិន្ទុ ដោយយកឈ្នះ Huddersfield Town ១-០ និង Manchester United លេខ៦ មាន ២៦ពិន្ទុ ដោយបំបាក់ Fulham ៤-១៕