ជប៉ុន គ្រោងចំណាយ ២៤០ពាន់លានដុល្លារ ទិញអាវុធបន្ថែមទៀតពីអាមេរិក

2018-12-09 03:13:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ជប៉ុន គ្រោងនឹងបង្កើនការចំណាយយោធាក្នុងរយៈពេល៥ឆ្នាំខាងមុខ ដើម្បីឆ្លើយតបនឹងបញ្ហាសន្តិសុខ និងបញ្ហាភាពលើសពាណិជ្ជកម្មជាមួយអាមេរិក។ នេះបើតាមការចុះផ្សាយរបស់ Nikkei Business Daily កាលពីថ្ងៃទី៨ ខែធ្នូ ឆ្នាំ២០១៨។

ក្រសួងការពារជាតិជប៉ុន គ្រោងនឹងចំណាយយ៉ាងហោចណាស់ ២៧ទ្រីលានយ៉េន (២៤០ពាន់លានដុល្លារ) នៅចន្លោះពីខែមេសា ២០១៩ ដល់ ខែមីនា ២០២៤ ជាមួយនឹងកំណើននៃការចំណាយ ១,១% ក្នុងមួយឆ្នាំ។ ចំពោះការចំណាយនេះ គណៈរដ្ឋមន្រ្តីជប៉ុន នឹងប្រជុំសម្រេច នាពេលកណ្តាលខែធ្នូខាងមុខនេះ។

កងទ័ពជប៉ុន ក្នុងអំឡុងពេលមានសមយុទ្ធមួយនៅក្រុង Sasebo ខេត្តណាហ្គាសាហ្គី នាពេលកន្លងមក (រូបថត៖ Reuters)

បើតាមសារព័ត៌មានដដែលនេះ គម្រោងចំណាយយោធាដ៏សន្ធឹកសន្ធាប់នេះ គឺដើម្បីឆ្លើយតប និងត្រៀមទប់ទល់ពីការវាយប្រហារមីស៊ីលរបស់កូរ៉េខាងជើង និងអំណាចយោធារបស់ចិន លើដែនទឹក និងអាកាស នៅតំបន់សមុទ្រជុំវិញប្រទេសជប៉ុន។

ចំណែកគោលបំណងមួយទៀតរបស់ជប៉ុន គឺចង់សម្រួលបញ្ហាពាណិជ្ជកម្មជាមួយអាមេរិក ខណៈដែលលោកប្រធានាធិបតី ដូណាល់ ត្រាំ បានជំរុញឱ្យជប៉ុន ទិញទំនិញបន្ថែមពីអាមេរិក ក្នុងនោះរួមមានទាំងឧបករណ៍យោធាផងដែរ។ កន្លងមក អាមេរិក បានគំរាមដំឡើងពន្ធលើរថយន្តដែលនាំចូលពីជប៉ុន ដើម្បីកាត់បន្ថយឱនភាពពាណិជ្ជកម្មរវាងប្រទេសទាំង២៕

ប្រភព៖ Reuters ប្រែសម្រួល៖ សំភី