លោក ផៃ ស៊ីផាន ឆ្លើយតបជុំវិញការបារម្ភរបស់លោករ៉ុង ឈុន រឿងពន្ធ EBA
- 2018-12-11 01:44:51
- ចំនួនមតិ 0 | ចំនួនចែករំលែក 0
លោក ផៃ ស៊ីផាន ឆ្លើយតបជុំវិញការបារម្ភរបស់លោករ៉ុង ឈុន រឿងពន្ធ EBA
ចន្លោះមិនឃើញ
លោក ផៃ ស៊ីផាន អ្នកនាំពាក្យរដ្ឋាភិបាល បានអះអាងជាថ្មី ជុំវិញបញ្ហានៃការព្រមានដកប្រព័ន្ធអនុគ្រោះពន្ធ EBA ពីកម្ពុជា ពីសំណាក់សហភាពអឺរ៉ុប។ អ្នកនាំពាក្យរូបនេះ មានប្រសាសន៍ថា រាជរដ្ឋាភិបាល មានសមត្ថភាពគ្រប់គ្រាន់ ក្នុងការវាយតម្លៃ និងបានត្រៀមលក្ខណៈរួចស្រេច ក្នុងការដោះស្រាយបញ្ហានេះ។
យ៉ាងណាមិញ លោក ផៃ ស៊ីផាន បានបញ្ជាក់ថា ការលើកឡើងនេះ គឺក្រោមនិន្នាការនយោបាយ និងមិនមែនជាមនុស្សសុចរិត ក្នុងការដោះស្រាយ ដើម្បីផលប្រយោជន៍កម្មករទេ។
លោកអះអាងថា បច្ចុប្បន្នកម្ពុជាបាន និងកំពុងបន្តកិច្ចសហប្រតិបត្តិការយ៉ាងល្អ និងជិតស្និទ្ធជាមួយសហភាពអឺរ៉ុប ទាំងផ្នែកពាណិជ្ជកម្ម សេដ្ឋកិច្ច និងផ្នែកផ្សេងៗទៀត ដើម្បីផលប្រយោជន៍រួមគ្នាទៅវិញទៅមក។ នៅក្នុងស្ថានភាពនេះ សហភាពអឺរ៉ុប និងកម្ពុជា នៅតែបន្តរក្សាភាពជាដៃគូ ក្នុងកិច្ចសន្ទនា ដើម្បីថែរក្សាផលប្រយោជន៍រួម ដែលកើតចេញពីការអនុគ្រោះពន្ធ EBA ជាមួយនឹងកិច្ចធានា នូវអធិបតេយ្យភាព និងឯករាជ្យភាពរៀងៗខ្លួន។
សូមបញ្ជាក់ថា សហភាពអឺរ៉ុប បានទុកពេលឲ្យរដ្ឋាភិបាលកម្ពុជា រយៈពេលមួយឆ្នាំ ដើម្បីស្តារឡើងវិញនូវស្ថានភាព នៃការគោរពសិទ្ធិមនុស្ស និងដំណើរការប្រព័ន្ធប្រជាធិបតេយ្យសេរីពហុបក្ស និងការចងក្រងព័ត៌មានចាំបាច់នានា នៅមុនពេលខ្លួន សម្រេចដកជាបណ្តោះអាសន្ននូវប្រព័ន្ធអនុគ្រោះពន្ធ EBA នេះ៕