ឯម សុវណ្ណារី រំភើបខ្លាំង ពេលទទួលការគាំទ្រជាច្រើនពីកម្ពុជា

2018-12-11 03:27:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រៅពីរីករាយនឹងជ័យជម្នះក្នុងការបង្ហាញខ្លួនលើកដំបូងនៅ ONE Championship កីឡាការិនីក្បាច់គុនចម្រុះកម្ពុជា-អាមេរិកាំង ឯម សុវណ្ណារី ក៏បានបង្ហាញអារម្មណ៍រំភើបខ្លាំង ពេលទទួលបានការគាំទ្រជាច្រើនពីអ្នកគាំទ្រនៅកម្ពុជា។

សុវណ្ណារី បាននិយាយក្រោយការប្រកួតនៅម៉ាឡេស៊ី កាលពីថ្ងៃទី៧ ខែធ្នូថា៖ "ខ្ញុំពិតជារំភើប ដែលមានអ្នកគាំទ្រជាច្រើន បានគាំទ្រ និងសាទរជ័យជម្នះរបស់ខ្ញុំ។ មុនមកប្រកួត ខ្ញុំមិនរំពឹងថាមានអ្នកគាំទ្រ ផ្ដល់កម្លាំងចិត្តដល់ខ្ញុំបែបនេះទេ...។ ខ្ញុំសូមអរគុណសម្រាប់ក្ដីស្រលាញ់ និងការគាំទ្រ។ ខ្ញុំរំភើបណាស់។ ការដឹងថាអ្នកគ្រប់គ្នារីករាយនឹងជ័យជម្នះរបស់ខ្ញុំ គឺធ្វើឲ្យខ្ញុំមានអារម្មណ៍ពិសេសបំផុត។ ខ្ញុំសូមអរគុណ!"

អាជ្ញាកណ្ដាលលើកដៃផ្ដល់ជ័យជម្នះដល់សុវណ្ណារី (រូបភាព៖ ONE Championship)

សុវណ្ណារី ក៏បានបញ្ជាក់ដែរថា ជ័យជម្នះលើកីឡាការិនីអ៊ុយក្រែន Iryna Kyselova នៅ ONE: DESTINY OF CHAMPIONS គឺជាបទពិសោធន៍ថ្មីសម្រាប់នាង។ នាងបន្ថែមថា ជ័យជម្នះនេះ គឺបានពីការខិតខំប្រឹងប្រែងហ្វឹកហាត់ជាមួយគ្រូបង្ហាត់។ នាងនឹងយកបទពិសោធន៍នេះ សម្រាប់ការប្រកួតក្រោយៗទៀត។

សូមបញ្ជាក់ថា សុវណ្ណារី បានចំណាយពេលត្រឹម ៨១វិនាទីនៃទឹកទី១ ប៉ុណ្ណោះ ដើម្បីផ្ដួលគូប្រកួតឲ្យចុះចាញ់។ នេះជាជ័យជម្នះលើកទី៣ ក្នុងអាជីពរបស់នាង ខណៈ២ប្រកួតកន្លងមក នាងក៏បានយកឈ្នះក្នុងទឹកទី១ ដែរ។ សម្រាប់ផែនការបន្ទាប់ នាងមិនទាន់អាចនិយាយបានទេ ដោយត្រូវរង់ចាំការទាក់ទងពី ONE Championship៕

សូមទស្សនាវីដេអូខ្លី ពីការប្រកួតរបស់សុវណ្ណារី ដូចខាងក្រោម៖

ចុចអាន៖ កីឡាការិនីកម្ពុជា ឯម សុវណ្ណារី ផ្ដួលអ៊ុយក្រែន ក្នងទឹកទី១ នៅ ONE Championship

អត្ថបទ៖ សុខ សុវត្ថិ