លោក ឈាង វុន ពន្យល់ករណីលោក កឹម សុខា ពាក់ព័ន្ធវិសោធនកម្មច្បាប់គណបក្សនយោបាយ

2018-12-11 07:39:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ឈាង វុន ប្រធានគណៈកម្មាការទី៥ នៃរដ្ឋសភា និងជាសមាជិកគណៈកម្មាធិការអចិន្ត្រៃយ៍រដ្ឋសភា បានពន្យល់ថា "ករណីលោក កឹម សុខា គឺករណីរបស់គាត់ហ្នឹង មានពីរ។ ទីមួយ ការចោទប្រកាន់ពីទោសក្បត់ជាតិ ពីការឃុបឃិតជាមួយបរទេស គេយកច្បាប់ព្រហ្មទណ្ឌមកអនុវត្ត និងទីពីរ គាត់ជាប់ក្នុងនាមជាអ្នកដឹកនាំរបស់គណបក្សនយោបាយ ដែលត្រូវបានឃាត់សិទ្ធិនយោបាយប្រាំឆ្នាំ"។

លោក ឈាង វុន ថ្លែងទៅកាន់អ្នកកាសែត នៅវិមានរដ្ឋសភា នាថ្ងៃទី១១ ខែធ្នូ ឆ្នាំ២០១៨

លោកបន្ដថា "ករណីពីរនេះ ចែកឲ្យដាច់ពីគ្នា។ បើសិនជាយើងធ្វើច្បាប់នេះ គឺយើងធ្វើច្បាប់ទៅឲ្យតែ ១១៧នាក់នោះរួចខ្លួន... ប៉ុន្តែរឿងចោទប្រកាន់គាត់ (កឹម សុខា) ជារឿងដាច់ដោយឡែកមួយទៀត ជារឿងដែលតុលាការនៅតែតាមដានស៊ើបអង្កេតនៅតែបន្តនៅឡើយ វាខុសពីច្បាប់គណបក្សនយោបាយ មាត្រា ៤៥ថ្មី (ស្ទួន)”។

ការបញ្ជាក់របស់លោក ឈាង វុង ដូច្នេះ បានធ្វើឡើងក្នុងសន្និសីទ បន្ទាប់ពីកិច្ចប្រជុំគណៈកម្មាធិការអចិន្ត្រៃយ៍សភា នៅព្រឹកថ្ងៃទី១១ ខែធ្នូ ឆ្នាំ២០១៨នេះ។

លោកបានពន្យល់ថា ច្បាប់ដែលសភាកំពុងតែធ្វើវិសោធនកម្មច្បាប់ស្តីពីគណបក្សនយោបាយនេះ គឺកែឲ្យសមាជិកអ្នកនយោបាយទាំងអស់ នៃគណបក្សនយោបាយណាក៏ដោយ ដែលត្រូវបានតុលាការកំពូលសម្រេចហាមឃាត់មិនឲ្យធ្វើនយោបាយ ៥ឆ្នាំ។ ហើយការធ្វើវិសោធនកម្មនេះ គឺធ្វើសម្រាប់គ្រប់គណបក្សនយោបាយទាំងអស់៕

អត្ថបទទាក់ទង៖ រដ្ឋសភា ប្រជុំអនុម័តបើកផ្លូវឲ្យអតីតមន្ត្រី CNRP មានសិទ្ធិធ្វើនយោបាយវិញ នៅថ្ងៃ១៣ ខែធ្នូ

អត្ថបទ៖ សោភា