អាជ្ញាធរខេត្តព្រះសីហនុ នឹងចុះចាត់វិធានការលើការដ្ឋានសំណង់ខុសបច្ចេកទេស នៅថ្ងៃទី...
- 2018-12-12 08:58:53
- ចំនួនមតិ 0 | ចំនួនចែករំលែក 0
អាជ្ញាធរខេត្តព្រះសីហនុ នឹងចុះចាត់វិធានការលើការដ្ឋានសំណង់ខុសបច្ចេកទេស នៅថ្ងៃទី...
ចន្លោះមិនឃើញ
លោក យន្ត មីន អភិបាលខេត្តព្រះសីហនុ បានធ្វើការព្រមានដល់ម្ចាស់ការដ្ឋានសំណង់ណាមិនគោរពតាមបទដ្ឋានបច្ចេកទេស និងការណែនាំរបស់រដ្ឋបាល ក្រុង ខេត្តព្រះសីហនុ ធ្វើឲ្យប៉ះពាល់ដល់បរិស្ថាន និងសណ្តាប់ធ្នាប់សាធារណៈ នឹងចាត់វិធានការតាមផ្លួវច្បាប់ និងឈានដល់បិទការដ្ឋានតែម្តង។
ក្រុមការងាររបស់រដ្ឋបាលខេត្ត នឹងចុះអនុវត្តដោយគ្មានការយោគយល់លើម្ចាស់ការដ្ឋានសំណង់ណាមិនគោរពតាមបទដ្ឋានបច្ចេកទេស ចាប់ពីថ្ងៃទី២១ ខែធ្នូ ឆ្នាំ២០១៨ តទៅ។
រដ្ឋបាលខេត្តទុកពេលឱ្យម្ចាស់ការដ្ឋានទាំងអស់នៅក្នុងខេត្ត ត្រូវទុកដាក់សម្ភារសំណង់នានា ដូចជា ខ្សាច់ ថ្ម ឥដ្ឋ ដែក ស៊ីម៉ង់ត៍ ឱ្យបានត្រឹមត្រូវ ។ ហាមយកចិញ្ចើមផ្លូវ ទីសាធារណ: ធ្វើកន្លែងស្នាក់នៅរបស់កម្មករ ។ ត្រូវហ៊ុមព័ទ្ធការដ្ឋានសំណង់ តាមលក្ខណៈបច្ចេកទេស ដើម្បីការពារសុវត្ថិភាព ចៀសវាងការបង្កគ្រោះថ្នាក់ដោយយថាហេតុ។ ម្យ៉ាងទៀត ការជូនដំណឹងនេះ គឺរហូតដល់ថ្ងៃទី២០ ខែធ្នូ ឆ្នាំ២០១៨ ក្រោយកាលបរិច្ឆេទ ក្រុមការងាររបស់រដ្ឋបាលខេត្ត នឹងចុះអនុវត្តន៍ ដោយគ្មានការយោគយល់៕