រដ្ឋមន្រ្តីមហាផ្ទៃ៖ អ្នកទោសវៀតណាម ដែលចង់មកជាប់ពន្ធនាគារនៅកម្ពុជា មិនអាចធ្វើបានទេ
- 2018-12-13 02:26:09
- ចំនួនមតិ 0 | ចំនួនចែករំលែក 0
រដ្ឋមន្រ្តីមហាផ្ទៃ៖ អ្នកទោសវៀតណាម ដែលចង់មកជាប់ពន្ធនាគារនៅកម្ពុជា មិនអាចធ្វើបានទេ
ចន្លោះមិនឃើញ
សម្តេច ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានថ្លែងបញ្ជាក់ប្រាប់ [ខ្លីៗ] ថាទាក់ទងនឹងអ្នកទោសវៀតណាមដែលជាប់ពន្ធនាគារនៅប្រទេសថៃ ហើយចង់ផ្ទេរមកជាប់ពន្ធនាគារនៅកម្ពុជា គឺមិនអាចធ្វើបានទេ ដោយសារតែភាពចង្អៀតណែនក្នុងពន្ធនាគាររបស់កម្ពុជា និងខុសពីច្បាប់។ ការថ្លែងនេះ នៅក្រោយបញ្ចប់ការប្រារព្ធទិវាជាតិប្រឆាំងការជួញដូរមនុស្ស កាលពីថ្ងៃទី១២ ខែធ្នូ ឆ្នាំ២០១៨ នៅសាលមហោស្រពកោះពេជ្រ។
សម្តេច ស ខេង បានបញ្ជាក់យ៉ាងដូច្នេះថា៖ «ឥឡូវអ្នកទោសខ្មែររកពន្ធនាគារដាក់មិនបានផង ហើយមកយកអ្នកទោសបរទេសមកដាក់នៅស្រុកខ្មែរយ៉ាងម៉េច។ ហើយវាមិនត្រូវច្បាប់ជាតិនិងអន្តរជាតិ គឺច្បាប់នៅកម្ពុជា មិនអនុញ្ញាតឱ្យយកអ្នកទោសបរទេសមកដាក់នៅកម្ពុជាទេ»។
សេចក្តីជូនដំណឹងដដែលបន្តថា មានអ្នកទោសខ្លះសុំផ្ទេរ មកជាប់នៅពន្ធនាគារកម្ពុជា ដោយផ្ទាល់មាត់។ លុះដល់ស្ថានទូត ឲ្យធ្វើពាក្យស្នើសុំផ្ទាល់ខ្លួន ដើម្បីបញ្ជាក់ថា ខ្លួនស្ម័គ្រចិត្តមកបន្តជាប់ពន្ធនាគារនៅកម្ពុជាវិញ បែរជាគាត់មិនព្រម ធ្វើលិខិតស្នើសុំទាល់តែសោះ។ ស្ថានទូត មិនអាចបង្ខិតបង្ខំទណ្ឌិត ឲ្យផ្ទេរមកកម្ពុជាបានទេ បើសាម៉ីខ្លួនមិនស្ម័គ្រចិត្ត ផ្ទេរមកកម្ពុជា៕
អត្ថបទទាក់ទង៖
អ្នកទោសវៀតណាម ស្នើសុំផ្ទេរ ពីពន្ធនាគារនៅថៃ មកជាប់ពន្ធនាគារនៅខ្មែរ វិញ
សម្ដេច ស ខេង លើកបញ្ហា២ ដែលបង្កឲ្យមានភាពចង្អៀតណែននៅក្នុងពន្ធនាគារ