ជនជាតិកាណាដាទី២ ដែលត្រូវអាជ្ញាធរចិនហៅទៅសាកសួរ កំពុងបាត់ខ្លួន
- 2018-12-13 04:26:53
- ចំនួនមតិ 0 | ចំនួនចែករំលែក 0
ជនជាតិកាណាដាទី២ ដែលត្រូវអាជ្ញាធរចិនហៅទៅសាកសួរ កំពុងបាត់ខ្លួន
ចន្លោះមិនឃើញ
ក្រសួងការបរទេសកាណាដា នៅថ្ងៃទី១៣ ខែធ្នូ ឆ្នាំ២០១៨នេះ បានប្រកាសថា ក្រសួងមិនអាចទាក់ទងលោក Michael Spavor អ្នកជំនួញកាណាដាបានទេ ចាប់តាំងពីអ្នកជំនួញរូបនេះបានជូនដំណឹងដល់រដ្ឋាភិបាលកាណាដាថា លោកត្រូវបានកោះហៅទៅសាកសួរដោយអាជ្ញាធរចិន។
លោក Guillaume Berube អ្នកនាំពាក្យក្រសួងការបរទេសកាណាដា បានចេញសេចក្តីថ្លែងការណ៍មួយ កាលពីថ្ងៃទី១២ ខែធ្នូ ឆ្នាំ២០១៨ ស្ដីពីការបាត់ខ្លួនជនជាតិកាណាដា គឺលោក Spavor អ្នកជំនួញដែលស្នាក់នៅក្រុង Dandong ភាគខាងជើងប្រទេសចិន។ លោកបានប្រាប់សារព័ត៌មាន AFP ថា "យើងដឹងថា ជនជាតិកាណាដាម្នាក់ ឈ្មោះ Michael Spavor បច្ចុប្បន្ននេះ កំពុងបាត់ខ្លួននៅក្នុងប្រទេសចិន"។
សូមបញ្ជាក់ថា ការចាប់ខ្លួន និងការបាត់ខ្លួនជនជាតិកាណាដាទាំង ២រូបនេះ គឺបន្ទាប់ពីការចាប់ខ្លួនលោកស្រី Meng Wanzhou ប្រធានហិរញ្ញវត្ថុក្រុមហ៊ុន Huawei អស់រយៈពេលជាងមួយសប្ដាហ៍មកហើយ។ លោកស្រីត្រូវបានតុលាការដោះលែងឲ្យនៅក្រៅឃុំ កាលពីថ្ងៃទី១១ ខែធ្នូ ឆ្នាំ២០១៨ កន្លងទៅ ដោយបង់ប្រាក់ធានាចំនួន ៧,៥លានដុល្លារ៕
អត្ថបទទាក់ទង៖ កាណាដា ព្រមានអាមេរិកកុំធ្វើនយោបាយលើករណីបត្យាប័នកូនស្រីរបស់មេ Huawei