ទាហានជើងទឹកថៃម្នាក់ ត្រូវត្រីផ្ទោងសមុទ្រខាំស្លាប់អំឡុងពេលហ្វឹកហាត់

2018-12-14 03:22:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទាហានជើងទឹកថៃម្នាក់ ឈ្មោះ Kriengsak Pengphinit បានហូរឈាមរហូតដល់ស្លាប់ បន្ទាប់ពីត្រីសមុទ្រមួយក្បាលបានខាំផ្ដាច់បំពង់ក អំឡុងពេលហ្វឹកហាត់ជាមួយទាហានជើងទឹកថៃ នៅក្នុងខេត្តត្រាត ឈូងសមុទ្រថៃ កាលពីថ្ងៃទី១៣ ខែធ្នូ ឆ្នាំ២០១៨ ម្សិលមិញ។ ត្រីសមុទ្រដែលវាយប្រហារទាហានថៃនោះ គឺត្រីផ្ទោងសមុទ្រ។

រូបភាព៖ Bangkok Post

លោកស្រី Lakkana Leecha អ្នកជំនាញផ្នែកនេសាទ នៃនាយកដ្ឋាននេសាទថៃ បានបញ្ជាក់នៅថ្ងៃទី១៤ ខែធ្នូ ឆ្នាំ២០១៨ថា "ការវាយប្រហារនេះ គឺខុសធម្មតា ព្រោះត្រីផ្ទោងសមុទ្រកម្រោងវាយប្រហារមនុស្សណាស់"។ លោកស្រីថា វាគឺជាត្រីដែលលឿនបំផុតក្នុងពិភពលោក។

លោកស្រីបន្ថែមថា "ត្រីប្រភេទនេះ ជាធម្មតាធ្វើដំណើរជាមួយហ្វូងរបស់វា ហើយជាញឹកញាប់ត្រូវប្រទះឃើញនៅផ្នែកខាងលើផ្ទៃសមុទ្រ"។

ត្រីផ្ទោងសមុទ្រនេះ អាចធ្វើដំណើររហូតដល់ល្បឿង ៩០គីឡូម៉ែត្រក្នុងមួយម៉ោង ហើយវាអាចលោតចេញពីផ្ទៃទឹករហូតដល់កម្ពស់ ១ម៉ែត្រ៕

ប្រភព៖ Bangkokpost ប្រែសម្រួល៖ វាសនា