បក្សកុម្មុយនិស្ដចិន៖ កំណើនរឹងមាំនឹងបន្ដនៅឆ្នាំ២០១៩

2018-12-14 06:20:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កិច្ចប្រជុំការិយាល័យនយោបាយនៃបក្សកុម្មុយនិស្ដចិន ដែលធ្វើឡើងក្រោមការដឹកនាំរបស់លោក ស៊ី ជីនពីង ប្រធានាធិបតីចិន បានប្រកាស ធានាការអភិវឌ្ឍដែលមានសុខភាពល្អ។

ប្រទេសចិននឹងរក្សាសូចនាករសេដ្ឋកិច្ចធំៗរបស់ខ្លួន ក្នុងកម្រិតសមស្របមួយនៅឆ្នាំ២០១៩ បន្ដពន្លឿនកំណែទម្រង់ក្នុងប្រព័ន្ធសេដ្ឋកិច្ច និងជំរុញឆ្ពោះទៅការបើកចំហគ្រប់ទិដ្ឋភាពទាំងអស់។ នេះបើយោងតាមកិច្ចប្រជុំការិយាល័យនយោបាយនៃគណៈកម្មាធិការអចិន្រ្តៃយ៍នៃបក្សកុម្មុយនិស្ដចិន កាលពីថ្ងៃទី១៣ ខែធ្នូ ឆ្នាំ២០១៨ ម្សិលមិញ។

លោក ស៊ី ជីនពីង ប្រធានាធិបតីចិន ថ្លែងក្នុងពិធីមួយ នាពេលកន្លងមក/ រូបភាព៖ CGTN

លោក ស៊ី ជីនពីង អគ្គលេខាធិការនៃគណៈកម្មាធិការអចិន្រ្តៃយ៍ បានដឹកនាំកិច្ចប្រជុំ ដោយលោកបានប្រកាសរក្សាស្ថិរភាពការងារ វិស័យហិរញ្ញវត្ថុ ពាណិជ្ជកម្មក្រៅប្រទេស ការវិនិយោគ និងការរំពឺងទុក និងបន្ដការអភិវឌ្ឍរឹងមាំ និងមានសុខភាពល្អ នៃសេដ្ឋកិច្ចក្នុងឆ្នាំ២០១៩ ខាងមុខ។

ប្រទេសចិននឹងបន្ដប្រកាន់ខ្ជាប់ការប្រកាន់យកគោលការណ៍នៃការវិវត្តដែលកំពុងប្រកួតប្រជែង រួមជាមួយការធានាស្ថិរភាព ក៏ដូចជាទស្សនវិទ្យាការអភិវឌ្ឍថ្មី និងធ្វើឲ្យរីកចម្រើនការអភិវឌ្ឍប្រកបដោយគុណភាព។ នេះបើតាមសេចក្តីថ្លែងការណ៍បន្ទាប់ពីកិច្ចប្រជុំ។

សេចក្តីថ្លែងការណ៍ដដែលបានបញ្ជាក់ថា កិច្ចការបន្ថែមទៀត ដែលត្រូវសម្រេច គឺត្រូវបង្កើនទំនុកចិត្តទីផ្សារ និងលើកកម្ពស់ការទួលស្គាល់នៃការរីកចម្រើន សុភមង្គល និងសន្ដិសុខក្នុងចំណោមប្រជាជន។ ហើយសង្រ្គាម៣ ប្រឆាំងនឹងភាពប្រឈមហិរញ្ញវត្ថុ ភាពក្រីក្រ និងការបំពុល នឹងបន្តជាអាទិភាព។

សេចក្តីថ្លែងការណ៍បញ្ជាក់ទៀតថា វាពិតជាសំខាន់ ដើម្បីទុកការផ្លាស់ប្ដូរក្នុងស្ថានភាពអន្តរជាតិ និងស្ថានការណ៍ក្នុងស្រុកនៅក្នុងទិដ្ឋភាពដោះស្រាយដោយឡូស៊ីក ការពារគ្រោះថ្នាក់នានា ក្នុងពេលសន្ដិភាព និងការចាប់យកអំឡុងពេលវេលាសំខាន់នៃកាលានុវត្តភាពយុទ្ធសាស្រ្តសម្រាប់ប្រទេស។

ចុងក្រោយសេចក្តីថ្លែងការណ៍បានបញ្ជាក់ថា កិច្ចការបន្ថែមទៀត ដែលត្រូវសម្រេចនៅឆ្នាំក្រោយ គឺលើកកម្ពស់ការអភិវឌ្ឍប្រកបដោយគុណភាពក្នុងវិស័យឧស្សាហកម្ម និងជំរុញសមាហរណកាន់តែស៊ីជម្រៅរវាងវិស័យឧស្សាហកម្មទំនើប និងសេវាកម្មទំនើប៕

ប្រភព៖ Chinadaily ប្រែសម្រួល៖ វាសនា