លោក មហាធៀ៖ អាស៊ានត្រូវតែដាក់សម្ពាធលើលោកស្រី អ៊ុងសាន ស៊ូជី

2018-12-17 06:55:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សមាគមន៍ប្រជាជាតិអាស៊ីអាគ្នេយ៍ (អាស៊ាន) ដែលប្រទេសថៃនឹងធ្វើជាប្រធាននៅឆ្នាំក្រោយ ត្រូវតែចាត់វិធានការតឹងរ៉ឹងលើប្រទេសមីយ៉ាន់ម៉ា និងមេដឹកនាំប្រទេសនេះ គឺលោកស្រី អ៊ុនសាន ស៊ូជី ដើម្បីបញ្ចប់ការសម្លាប់រង្គៀលលើជនជាតិមូស្លីមរ៉ហ៊ីងយ៉ា។ នេះការលើកឡើងរបស់លោក មហាធៀ មហាម៉ាត់ នាយករដ្ឋមន្រ្តីវ័យ ៩៣ឆ្នាំរបស់ម៉ាឡេស៊ី កាលពីចុងសប្ដាហ៍មុន។

លោក មហាធៀ មហាម៉ាត់ នាយករដ្ឋមន្រ្តីវ័យ ៩៣ឆ្នាំរបស់ម៉ាឡេស៊ី/ រូបភាព៖ Reuters

មេដឹកនាំដែលមានវ័យចំណាស់ជាងគេក្នុងប្លុកអាស៊ានរូបនេះ បានថ្លែងក្នុងបទសម្ភាសន៍ជាមួយកាសែតថៃ The Nation ថា "យើងអាចអំពាវនាវទៅរដ្ឋាភិបាលមីយ៉ាន់ម៉ា ប៉ុន្ដែប្រសិនគ្មានការឆ្លើយតប ហើយការសម្លាប់រង្គៀលនៅតែបន្ត អាស៊ានត្រូវតែគាំទ្រចលនាជាអន្តរជាតិ ដើម្បីបញ្ចាប់ការរំលោភសមត្ថកិច្ច និងភាពអយុត្តិធម៌នៅក្នុងប្រទេសមីយ៉ាន់ម៉ា"។

ប្រមុខរដ្ឋាភិបាលម៉ាឡេស៊ីរូបនេះបន្ដទៀតថា "អាស៊ានត្រូវតែរៀនពីមធ្យោបាយ ដើម្បីដាក់សម្ពាធលើរដ្ឋាភិបាលនានា ដែលមិនប្រព្រឹត្តចំពោះប្រជាជនរបស់ខ្លួនបានត្រឹមត្រូវ និងយុត្តិធម៌។ ប្រសិនបើអាស៊ានអនុញ្ញាតឲ្យប្រជាជនទាំងនេះ ត្រូវបានសម្លាប់ផ្ដាច់ពូជ វាមិនបង្ហាញថាយើងកំពុងទទួលខុសត្រូវទេ"។

ការលើកឡើងរបស់អ្នកនយោបាយជើងចាស់ម៉ាឡេស៊ីរូបនេះ គឺក្រោយជនជាតិមូស្លីមរ៉ូហ៊ីងយ៉ាងប្រមាណ ៧២០០០០នាក់បានភៀសខ្លួន ពីរដ្ឋ Rakhine របស់មីយ៉ាន់ម៉ា ទៅកាន់ប្រទេសបង់ក្លាដេស កាលពីខែសីហា ឆ្នាំ២០១៧ កន្លងទៅ បន្ទាប់មានការវាយប្រហារពីសំណាក់យោធាមីយ៉ាន់ម៉ា៕

ប្រភព៖ The Nation ប្រែសម្រួល៖ វាសនា