លោក មហាធៀ៖ អាស៊ានត្រូវតែដាក់សម្ពាធលើលោកស្រី អ៊ុងសាន ស៊ូជី
- 2018-12-17 06:55:32
- ចំនួនមតិ 0 | ចំនួនចែករំលែក 0
លោក មហាធៀ៖ អាស៊ានត្រូវតែដាក់សម្ពាធលើលោកស្រី អ៊ុងសាន ស៊ូជី
ចន្លោះមិនឃើញ
សមាគមន៍ប្រជាជាតិអាស៊ីអាគ្នេយ៍ (អាស៊ាន) ដែលប្រទេសថៃនឹងធ្វើជាប្រធាននៅឆ្នាំក្រោយ ត្រូវតែចាត់វិធានការតឹងរ៉ឹងលើប្រទេសមីយ៉ាន់ម៉ា និងមេដឹកនាំប្រទេសនេះ គឺលោកស្រី អ៊ុនសាន ស៊ូជី ដើម្បីបញ្ចប់ការសម្លាប់រង្គៀលលើជនជាតិមូស្លីមរ៉ហ៊ីងយ៉ា។ នេះការលើកឡើងរបស់លោក មហាធៀ មហាម៉ាត់ នាយករដ្ឋមន្រ្តីវ័យ ៩៣ឆ្នាំរបស់ម៉ាឡេស៊ី កាលពីចុងសប្ដាហ៍មុន។
ប្រមុខរដ្ឋាភិបាលម៉ាឡេស៊ីរូបនេះបន្ដទៀតថា "អាស៊ានត្រូវតែរៀនពីមធ្យោបាយ ដើម្បីដាក់សម្ពាធលើរដ្ឋាភិបាលនានា ដែលមិនប្រព្រឹត្តចំពោះប្រជាជនរបស់ខ្លួនបានត្រឹមត្រូវ និងយុត្តិធម៌។ ប្រសិនបើអាស៊ានអនុញ្ញាតឲ្យប្រជាជនទាំងនេះ ត្រូវបានសម្លាប់ផ្ដាច់ពូជ វាមិនបង្ហាញថាយើងកំពុងទទួលខុសត្រូវទេ"។
ការលើកឡើងរបស់អ្នកនយោបាយជើងចាស់ម៉ាឡេស៊ីរូបនេះ គឺក្រោយជនជាតិមូស្លីមរ៉ូហ៊ីងយ៉ាងប្រមាណ ៧២០០០០នាក់បានភៀសខ្លួន ពីរដ្ឋ Rakhine របស់មីយ៉ាន់ម៉ា ទៅកាន់ប្រទេសបង់ក្លាដេស កាលពីខែសីហា ឆ្នាំ២០១៧ កន្លងទៅ បន្ទាប់មានការវាយប្រហារពីសំណាក់យោធាមីយ៉ាន់ម៉ា៕