ថ្ងៃនេះ ចិនប្រារព្ធខួប ៤០ឆ្នាំ នៃកំណែទម្រង់សេដ្ឋកិច្ច ដែលផ្ដួចផ្ដើមដោយ តេង ស៊ាវពីង

2018-12-18 02:27:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសចិន នៅថ្ងៃទី១៨ ខែធ្នូ ឆ្នាំ២០១៨នេះ បានប្រារព្ធខួប ៤០ឆ្នាំ នៃគោលនយោបាយ "កំណែទម្រង់ និងការបើកចំហ" ដែលបានផ្ដាស់ប្ដូរប្រទេសដែលមានប្រជាជនច្រើនជាងគេក្នុងពិភពលោកមួយនេះ ទៅជាប្រទេសមហាអំណាចសេដ្ឋកិច្ចពិភពលោកទី២ ដែលបច្ចុប្បន្ននេះ កំពុងមានកំណើនយឺត និងប្រឈមមុខគ្នាជាមួយអាមេរិក។

រូបភាព៖ South China Morning Post

គោលនយោបាយ "កំណែទម្រង់ និងការបើកចំហ" គឺជាគំនិតផ្ដួចផ្ដើមដោយមេដឹកនាំចិន លោក តេង ស៊ាវពីង ហើយត្រូវបានផ្ដល់សច្ចាប័នដោយបក្សកុម្មុយនិស្ដចិន នៅថ្ងៃទី១៨ ខែធ្នូ ឆ្នាំ១៩៧៨។

លោក ស៊ី ជីនពីង ប្រធានាធិបតីចិន និងជាមេដឹកនាំចិនដែលមានអំណាចខ្លាំងជាងគេចាប់តាំងពីលោក ម៉ៅ សេទុង នឹងថ្លែងសុន្ទរកថាមួយរម្លឹកខួប ៤០ឆ្នាំនៃកំណែទម្រង់សេដ្ឋកិច្ចចិន នៅវិមានប្រជាជនចិន ក្នុងក្រុងប៉េកាំង នៅថ្ងៃនេះផងដែរ។

បច្ចុប្បន្ន ប្រទេសចិនកំពុងប្រឈមនឹងគំនរបំណុល និងកំណើនសេដ្ឋកិច្ចយឺត ដែលបានកើនឡើង ៦,៩% កាលពីឆ្នាំ២០១៧ ហើយរំពឹងថា នឹងកើនក្នុងរង្វង់ ៦,៥% នៅឆ្នាំ២០១៨នេះ៕

ប្រភព៖ Channelnewsasia ប្រែសម្រួល៖ វាសនា