EU នឹងផ្តល់ជំនួយជាង ១៣០លានដុល្លារ ឱ្យកម្ពុជា សម្រាប់កម្មវិធីចំនួន៣

2018-12-18 03:49:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងស្មារតីបន្តជំរុញ និងពង្រឹងកិច្ចសហប្រតិបត្តិការ សហភាពអឺរ៉ុបកំពុងរៀបចំផ្តល់ហិរញ្ញប្បទានឥតសំណងសរុបចំនួន ១១៥លានអឺរ៉ូ (ជាង ១៣០លានដុល្លារ) ឱ្យកម្ពុជា សម្រាប់កម្មវិធីចំនួន៣ រួមមាន៖

១. កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈចំនួន ២២លានអឺរ៉ូ (ជិត ៣០លានដុល្លារ) បន្ថែម

២. កម្មវិធីជំរុញកំណើនវិស័យជលផលប្រកបដោយចីរភាព និងបរិយាប័ន្ន (ផ្នែកនេសាទ) ចំនួន ៨៧លានអឺរ៉ូ (ជាង ៩៨លានដុល្លារ)

៣. កម្មវិធីសម្ព័ន្ធភាពប្រែប្រួលអាកាសធាតុកម្ពុជា ដំណាក់កាលទី៣ ចំនួន៦លានអឺរ៉ូ (ជាង៦,៨លានដុល្លារ) ទៀត។

នេះបើតាមសេចក្តីប្រកាសព័ត៌មានស្តីពីជំនួបរវាងលោក អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ជាមួយនឹងលោក George Edgar ឯកអគ្គរដ្ឋទូតសហភាពអឺរ៉ុបប្រចាំកម្ពុជា។ ជំនួបនេះ ធ្វើឡើងកាលពីព្រឹកថ្ងៃទី១៧ ខែធ្នូ ឆ្នាំ២០១៨ នៅទីស្តីការក្រសួងសេដ្ឋកិច្ច។

លោក George Edgar ក្នុងជំនួបជាមួយលោក អូន ព័ន្ធមុនីរ័ត្ន (រូបថត៖ ក្រសួងសេដ្ឋកិច្ច និងហិរញ្ញវត្ថុ)

លោកឧបនាយករដ្ឋមន្រ្តី បានបង្ហាញការគាំទ្រជាគោលការណ៍ចំពោះសំណើកម្មវិធីទាំង៣ខាងលើនេះ ព្រមទាំងបានសន្យាជួយសម្របសម្រួល និងសហការរៀបចំជាមួយក្រសួង ជំនាញពាក់ព័ន្ធដើម្បីឈានទៅចុះហត្ថលេខាកិច្ចព្រមព្រៀងឱ្យទាន់ដើមឆ្នាំ ២០១៩នេះ៕

អត្ថបទ៖ សំភី