ក្រុមគ្រួសារអ្នកជួយថតខ្សែភាពយន្តឯកសារ "ម្តាយខ្ញុំ លក់ខ្ញុំ" ដាក់ញ្ញត្តិឲ្យទូតរុស្ស៊ីជួយ
- 2018-12-18 06:12:23
- ចំនួនមតិ 0 | ចំនួនចែករំលែក 0
ក្រុមគ្រួសារអ្នកជួយថតខ្សែភាពយន្តឯកសារ "ម្តាយខ្ញុំ លក់ខ្ញុំ" ដាក់ញ្ញត្តិឲ្យទូតរុស្ស៊ីជួយ
ចន្លោះមិនឃើញ
ក្រុមគ្រួសារលោក រ៉ាត់ រ័ត្នមុនី ប្រធានសហព័ន្ធសហជីពកម្មករសំណង់ និងជាអ្នកជួយថតខ្សែភាពយន្តឯកសារ "ម្តាយខ្ញុំ លក់ខ្ញុំ" ឱ្យសារព័ត៌មាន Russia Today (RT) នៅព្រឹកថ្ងៃទី១៨ ខែធ្នូ ឆ្នាំ២០១៨ បានដាក់ញ្ញត្តិនៅស្ថានទូតរុស្ស៊ី ដើម្បីឱ្យជួយធ្វើអន្តរាគមន៍ ឲ្យមានការដោះលែងលោក រ៉ាត់ រ័ត្នមុនី ចេញពីពន្ធនាគារ។
អ្នកស្រី ឡុង គឹមហ៊ាង ភរិយាលោកលោក រ៉ាត់ រ័ត្នមុនី បានថ្លែងប្រាប់អ្នកកាសែតនៅមុខស្ថានទូតរុស្ស៊ីថា វីដេអូនេះ គ្រាន់តែបង្ហាញពីទុក្ខវេទនារបស់ក្មេងស្រីដែលជួបរឿងទុក្ខសោកដោយសារត្រូវម្តាយយកទៅលក់ឱ្យបម្រើសេវាផ្លូវភេទ ដើម្បីបានរស់។
ជាមួយគ្នានេះ អ្នកស្រី ឡុង គឹមហ៊ាង បានស្នើឲ្យរដ្ឋាភិបាលរុស្ស៊ី បង្ហាញជាសាធារណៈពីភាពត្រឹមត្រូវនៃវីដេអូរបស់សារព័ត៌មាន RT នេះផងដែរ។
សូមរំលឹកថា កាលពីរសៀលថ្ងៃទី១៣ ខែធ្នូ ឆ្នាំ២០១៨ សាលាដំបូងរាជធានីភ្នំពេញ បានសម្រេចឃុំខ្លួនលោក រ៉ាត់ រ័ត្នមុនី ដាក់ពន្ធនាគារបណ្តោះអាសន្ន និងចោទពីបទញុះញង់ឱ្យមានការរើសអើង តាមបញ្ញត្តិមាត្រា៤៩៦ នៃក្រមព្រហ្មទណ្ឌ៕
ចុចអានបន្ថែម៖ តុលាការសម្រេចឃុំខ្លួនអ្នកថតខ្សែភាពយន្ត “ម្តាយខ្ញុំ លក់ខ្ញុំ” ក្នុងពន្ធនាគារជាបណ្តោះអាសន្ន