វៀតណាម បើកដំណើរការរោងចក្រផលិតគ្រឿងបន្លាស់យន្តហោះជាលើកដំបូង
- 2018-12-18 06:49:58
- ចំនួនមតិ 0 | ចំនួនចែករំលែក 0
វៀតណាម បើកដំណើរការរោងចក្រផលិតគ្រឿងបន្លាស់យន្តហោះជាលើកដំបូង
ចន្លោះមិនឃើញ
រោងចក្រផលិតគ្រឿងបន្លាស់យន្តហោះដំបូងរបស់វៀតណាម ត្រូវបានបើកសម្ពោធហើយកាលពីពេលថ្មីៗនេះ ដែលមានទីតាំងនៅក្នុងសួន Hoa Lac Hi-Tech ក្នុងក្រុងហាណូយ។
រោងចក្រដែលជារបស់ក្រុមហ៊ុនកូរ៉េខាងត្បូង Hanwha Group តម្លៃ ២០០លានដុល្លារនេះ ត្រូវបានរំពឹងថា នឹងចាប់ផ្តើមផលិតកម្មរបស់ខ្លួននៅខែមករា ឆ្នាំ២០១៩ខាងមុខនេះ។
ចំណែកលោក Kim Seung Yeon ដែលជាប្រធានក្រុមហ៊ុន Hanwha Group បាននិយាយថា ក្រុមហ៊ុនលោក គឺជាក្រុមហ៊ុនតែមួយគត់របស់កូរ៉េខាងត្បូង ដែលផលិតម៉ាស៊ីនយន្តហោះ និងស្ថិតក្នុងចំណោមក្រុមហ៊ុនទាំង១០ ដែលមានបច្ចេកវិទ្យាឈានមុខគេក្នុងពិភពលោក។
អ្នកបច្ចេកទេសជាង ៤០នាក់មកពីក្រុមហ៊ុន Hanwha Group នឹងមានវត្តមាននៅរោងចក្រនេះ ដើម្បីបង្ហាត់អ្នកបច្ចេកទេសវៀតណាមប្រហែល ២០០នាក់។ រោងចក្រនេះ ត្រូវបានរំពឹងថានឹងបង្កើតការងារបានរាប់ពាន់កន្លែង និងបង្កើនគុណភាពខ្ពស់ដល់កម្មករ ព្រមទាំងចូលរួមចំណែកសមត្ថភាពបច្ចេកវិទ្យារបស់វៀតណាមផងដែរ៕