EU គ្រោងផ្តល់ថវិកាជិត ១០០លានដុល្លារ សម្រាប់ជួយដល់វិស័យជលផលនៅកម្ពុជា
- 2018-12-19 02:58:07
- ចំនួនមតិ 0 | ចំនួនចែករំលែក 0
EU គ្រោងផ្តល់ថវិកាជិត ១០០លានដុល្លារ សម្រាប់ជួយដល់វិស័យជលផលនៅកម្ពុជា
ចន្លោះមិនឃើញ
សហភាពអឺរ៉ុប គ្រោងផ្តល់ថវិកាប្រមាណជា ៨៧លានអឺរ៉ូ ស្មើនឹងជាង ៩៨លានដុល្លារ សម្រាប់អនុវត្តកម្មវិធីគ្រប់គ្រងធនធានជលផល និងការអភិវឌ្ឍវិស័យវារីវប្បកម្ម ដើម្បីលើកកម្ពស់សន្តិសុខស្បៀងនៅកម្ពុជា។ នេះបើតាមការចុះផ្សាយរបស់វេបសាយក្រសួងព័ត៌មាន កាលពីថ្ងៃទី១៨ ខែធ្នូ ឆ្នាំ២០១៨។
លោក George Edgar ឯកអគ្គរដ្ឋទូតសហភាពអឺរ៉ុបប្រចាំនៅកម្ពុជា បានលើកឡើងថា ការគ្រប់គ្រង វិស័យជលផល និងវារីវប្បកម្ម គឺមានសារៈសំខាន់ខ្លាំងណាស់ សម្រាប់ការផ្តល់អាហារូបត្ថម្ភ និងធានាដល់សន្តិសុខស្បៀងរបស់ប្រជាពលរដ្ឋនៅកម្ពុជា ក្រៅពីដំណាំស្រូវ។
លោកបញ្ជាក់ថា សហភាពអឺរ៉ុប នឹងធ្វើការឲ្យសកម្ម ជាមួយក្រសួងកសិកម្ម រុក្ខាប្រមាញ់ និងនេសាទ ក្នុងការគ្រប់គ្រងលើកម្មវិធីជលផល និងវារីវប្បកម្ម ដើម្បីជំរុញឲ្យវិស័យជលផល មាននិរន្តរភាព សម្រាប់ការហូបចុករបស់ប្រជាពលរដ្ឋ។
ជាមួយគ្នានេះដែរ លោក អេង ជាសាន ប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលជលផល បានថ្លែងថា ការគាំទ្រថវិការបស់សហភាពអឺរ៉ុបនេះ នឹងជួយលើកកម្ពស់កិច្ចការពារធនធានជលផលក្នុងប្រទេសឱ្យកាន់តែល្អ ធានាមិនបារម្ភពីការខ្វះខាតធនធានមច្ឆជាតិ នៅកម្ពុជាឡើយ។
គូរបញ្ជាក់ថា គិតពីឆ្នាំ២០១៣ ដល់២០១៨ សហភាពអឺរ៉ុប បានផ្តល់ហិរញ្ញប្បទានឥតសំណងដល់ក្រសួងកសិកម្ម ដែលមានទឹកប្រាក់សរុប ២៦លានអឺរ៉ូ (ជិត ៣០លានដុល្លារ) ដើម្បីអនុវត្តគម្រោងជំរុញកំណើនសេដ្ឋកិច្ចសង្គមប្រកបដោយចីរភាព តាមរយៈការអភិវឌ្ឍអនុវិស័យជលផល និងអនុវិស័យផលិតកម្មសត្វ៕
ចុចអាន៖