អាកាសធាតុនៅកម្ពុជា នឹងចាប់ផ្តើមចុះត្រជាក់ខ្លាំង ចាប់ពីក្រោយថ្ងៃទី២៥ធ្នូ

2018-12-19 03:38:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អាកាសធាតុជាទូទៅនៅកម្ពុជា នឹងចាប់ផ្តើមចុះត្រជាក់ខ្លាំងនៅក្រោយថ្ងៃទី២៥ខែធ្នូ ហើយអូសបន្លាយរហូតដល់ចុងខែមករា ឬដើមខែកុម្ភៈឆ្នាំ២០១៩ ទើបចាប់ផ្តើមងើបឡើងមកវិញ។

លោកចាន់ យុត្ថា អ្នកនាំពាក្យនិងជារដ្ឋលេខាធិការក្រសួងធនធានទឹកនិងឧតុនិយម បានប្រាប់ឲ្យដឹងកាលពីថ្ងៃទី១៨ ខែធ្នូ ឆ្នាំ២០១៨ថា ពីពេលនេះទៅដល់ត្រឹមថ្ងៃទី២៥ខែធ្នូ ស្ថានភាពអាកាសធាតុជាទូទៅនៅតំបន់ទំនាបកណ្តាលមិនទាន់មានអ្វីប្រែប្រួលទេ តែតំបន់ខ្ពង់រាបដូចជាខេត្តមណ្ឌលគីរី រតនគីរី សីតុណ្ហភាពបានចាប់ផ្តើមចុះត្រជាក់ហើយ។

លោកបន្តថា ចាប់ពីក្រោយថ្ងៃទី២៥ខែធ្នូ សីតុណ្ហភាពជាទូទៅចាប់ចុះហើយ និងត្រជាក់ខ្លាំងជាងបណ្តាឆ្នាំមុនៗ។ ស្ថានភាពអាកាសធាតុត្រជាក់ ដែលមានការប្រែប្រួលខ្លះនេះ អូសបន្លាយពេលរហូតដល់ចុងខែមករាឬដើមខែកុម្ភៈ គឺការចុះត្រជាក់នេះ មានរយៈពេលវែងជាងឆ្នាំមុនៗ។

មន្រ្តីនាំពាក្យខាងលើ បាននិយាយឲ្យដឹងផងដែរថា ស្ថានភាពភ្លៀងរដូវវស្សាលែងមានហើយសម្រាប់ឆ្នាំនេះ ដោយទឹកភ្លៀងមាននៅសេសសល់តិចតួច នៅតែប៉ែកខាងត្បូងប្រទេសប៉ុណ្ណោះ។ ចំណែកនៅរដូវប្រាំងដែលមុននេះ មានការព្យាករឃើញថា រាំងស្ងួតខ្លាំងនោះ អាចមានការប្រែប្រួលមកជាល្អវិញខ្លះផងដែរ៕

ប្រភព៖ រស្មីកម្ពុជា ប្រែសម្រួល៖ សំភី