ឯកអគ្គរដ្ឋទូតអាមេរិក៖ ទំនាក់ទំនងល្អរវាងហ្វីលីពីន និងចិន មិនមែនជាការព្រួយបារម្ភនោះទេ

2018-12-19 04:12:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុងវ៉ាស៊ីនតោនមិនចាត់ទុកការអភិវឌ្ឍទំនាក់ទំនងរវាងក្រុងម៉ានីល និងក្រុងប៉េកាំង គឺជាការព្រួយបារម្ភនោះទេ។ នេះជាការលើកឡើងរបស់លោក Sung Kim ឯកអគ្គរដ្ឋទូតអាមេរិកប្រចាំប្រទេសហ្វីលីពីន។

លោក Sung Kim ឯកអគ្គរដ្ឋទូតអាមេរិកប្រចាំប្រទេសហ្វីលីពីន ជួបពិភាក្សាជាមួយលោក Rodrigo Duterte ប្រធានាធីបតីហ្វីលីពីន/ រូបភាព៖ ការិយាល័យប្រធានាធិបតីហ្វីលីពីន

ជាងនេះទៅទៀត ឯកអគ្គរដ្ឋទូតអាមេរិករូបនេះបាននិយាយថា លោកអរគុណដល់ប្រទេសទាំងអស់នៅក្នុងតំបន់ ដែលចង់មានទំនាក់ទំនងប្រកបដោយផ្លែផ្កា និងការស្ថាបនាជាមួយប្រទេសចិន។

“ជាការពិត ប្រទេសហ្វីលីពីនបានចាប់អារម្មណ៍ក្នុងការអភិវឌ្ឍទំនាក់ទំនងជាមួយប្រទេសចិន ហើយវាមិនគួរឲ្យភ្ញាក់ផ្អើលនោះទេ ហើយវាក៏មិនមែនជាបុព្វហេតុនៃការព្រួយបារម្ភផងដែរ"។ នេះជាការបញ្ជាក់របស់លោក Sung Kim ប្រាប់សារព័ត៌មាន CNN ប្រចាំប្រទេសហ្វីលីពីន។

លោក Sung បញ្ជាក់ទៀតថា លោកមិនភ្ញាក់ផ្អើលទេ ដែលលោកប្រធានាធិបតីហ្វីលីពីន Rodrigo Duterte បានដាក់ចេញគោលនយោបាយផ្អែកលើប្រយោជន៍ផ្ទាល់របស់ហ្វីលីពីន និងគោលនយោបាយការបរទេសដោយឯករាជ្យ។

លោកបន្តថា លោកបានផ្ដោតលើការរក្សាទំនាក់ទំនងសម្ព័ន្ធមិត្តឲ្យរឹងមាំ រវាងហ្វីលីពីន និងអាមេរិក ខណៈដែលអតីតសម្ព័ន្ធមិត្តស្វែងរកទំនាក់ទំនងរឹងមាំជាមួយប្រទេសផ្សេងទៀត៕

ប្រភព៖ Philstar ប្រែសម្រួល៖ វាសនា