រាជរដ្ឋាភិបាល សម្រេចដំឡើងប្រាក់ខែជូនមន្រ្តីជាប់កិច្ចសន្យា ចាប់ពីដើមខែក្រោយ
- 2018-12-19 04:48:05
- ចំនួនមតិ 0 | ចំនួនចែករំលែក 0
រាជរដ្ឋាភិបាល សម្រេចដំឡើងប្រាក់ខែជូនមន្រ្តីជាប់កិច្ចសន្យា ចាប់ពីដើមខែក្រោយ
ចន្លោះមិនឃើញ
រាជរដ្ឋាភិបាលកម្ពុជា បានសម្រេចដំឡើងប្រាក់ខែជូនមន្រ្តីជាប់កិច្ចសន្យាពីចំនួន ៦០ម៉ឺនរៀល ទៅ ៦៥ម៉ឺនរៀល ដែលនឹងត្រូវអនុវត្តចាប់ពីថ្ងៃទី១ ខែមករា ឆ្នាំ២០១៩តទៅ។ នេះបើតាមអនុក្រឹត្យស្តីពីការដំឡើងប្រាក់កម្រៃប្រចាំខែជូនមន្រ្តីជាប់កិច្ចសន្យា ចុះហត្ថលេខាដោយសម្តេចនាយករដ្ឋមន្រ្តី ហ៊ុន សែន កាលពីថ្ងៃទី ១៨ ខែធ្នូ ឆ្នាំ២០១៨។
តាមអនុក្រឹត្យនេះ បញ្ជាក់ថា ការដំឡើងប្រាក់កម្រៃខាងលើនេះ គឺត្រូវអនុវត្តចំពោះមន្រ្តីជាប់កិច្ចសន្យា ដែលបម្រើការងារនៅតាមក្រសួង ស្ថាប័នថ្នាក់ជាតិ និងថ្នាក់ក្រោមជាតិ អនុលោមតាមបទប្បញ្ញត្តិនៃអនុក្រឹត្យលេខ២៦ អនក្រ.បក ចុះថ្ងៃទី១០ ខែកុម្ភៈ ឆ្នាំ២០១៦ ស្តីពីការគ្រប់គ្រង និងការប្រើប្រាស់មន្រ្តីជាប់កិច្ចសន្យា។
ចំណែកអនុក្រឹត្យលេខ០២ អនក្រ.បក ចុះថ្ងៃទី០៥ ខែមករា ឆ្នាំ២០១៨ ស្តីពីការដំឡើងប្រាក់កម្រៃប្រចាំខែជូនមន្រ្តីជាប់កិច្ចសន្យា ត្រូវទុកជានិរាករណ៍៕