សម្ដេច ហ៊ុន សែន បញ្ជាជាបន្ទាន់ ឲ្យចុះដោះស្រាយតម្លៃអគ្គិសនីដូចដែលបានកំណត់

2018-12-19 05:53:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេច ហ៊ុន សែន នាយករដ្ឋមន្រ្តីកម្ពុជា បានបញ្ជាយ៉ាងកំហិត ដល់មន្ត្រីពាក់ព័ន្ធនឹងអគ្គិសនី ឲ្យចុះជាបន្ទាន់ដោះស្រាយតម្លៃអគ្គិសនីនៅតាមទីផ្សារ ឲ្យមានតម្លៃដូចរាជរដ្ឋាភិបាលបានកំណត់។ នេះបើតាមការបញ្ជាក់របស់លោក ផៃ ស៊ីផាន អ្នកនាំពាក្យរាជរដ្ឋាភិបាល តាមរយៈហ្វេសប៊ុករបស់លោក នៅថ្ងៃទី១៩ ខែធ្នូ ឆ្នាំ២០១៨នេះ។

សម្ដេច ហ៊ុន សែន ថ្លែងក្នុងពិធីមួយ នាពេលកន្លងមក

សូមបញ្ជាក់ថា ក្នុងពិធីសម្ភោធដាក់ឲ្យប្រើប្រាស់ជាផ្លូវការវារីអគ្គិសនីសេសានក្រោម២ នៅខេត្តស្ទឹងត្រែង កាលពីថ្ងៃទី១៧ ខែធ្នូ ឆ្នាំ២០១៨ សម្ដេច ហ៊ុន សែន បានប្រកាសបញ្ចុះតម្លៃអគ្គិសនី សម្រាប់ឆ្នាំ២០១៩ និងឆ្នាំ២០២០ ខាងមុខ ដោយមានគោលដៅនៃការកាត់បន្ថយថ្លៃអគ្គិសនីចំនួន ៦គោលដៅ។

ក្នុងនោះ សម្រាប់ការប្រើប្រាស់អគ្គិសនីតាមលំនៅឋាន សម្ដេច ហ៊ុន សែន បានបញ្ជាក់យ៉ាងដូច្នេះ៖

ការប្រើប្រាស់ពី ១-១០គីឡូវ៉ាត់ក្នុងមួយខែ តម្លៃអគ្គិសនីនឹងត្រូវចុះពី ៦១០រៀល (ភ្នំពេញ) និង ៤៨០រៀល (ខេត្ត) នៅឆ្នាំ២០១៨ ទៅ ៣៨០រៀលនៅឆ្នាំ២០១៩ និងឆ្នាំ២០២០ ខាងមុខ។
ការប្រើប្រាស់ពី ១១-៥០គីឡូវ៉ាត់ក្នុងមួយខែ តម្លៃអគ្គិសនីនឹងត្រូវចុះពី ៦១០រៀលនៅឆ្នាំ២០១៨ ទៅ ៤៨០រៀលនៅឆ្នាំ២០១៩ និងឆ្នាំ២០២០ ខាងមុខ។
ការប្រើប្រាស់ពី ៥១-២០០គីឡូវ៉ាត់ក្នុងមួយខែ តម្លៃអគ្គិសនីនឹងត្រូវចុះពី ៧២០រៀល (ភ្នំពេញ) និង ៧៧០រៀល (ខេត្ត) នៅឆ្នាំ២០១៨ ទៅ ៦១០រៀលនៅឆ្នាំ២០១៩ និងឆ្នាំ២០២០ ខាងមុខ។
ការប្រើប្រាស់ពី ២០០គីឡូវ៉ាត់ឡើងទៅក្នុងមួយខែ តម្លៃអគ្គិសនីនឹងត្រូវចុះពី ៧៥០រៀល (ភ្នំពេញ) ៧៧០រៀល (ខេត្ត) នៅឆ្នាំ២០១៨ ទៅ ៧៤០រៀលនៅឆ្នាំ២០១៩ និង ៧៣០រៀលនៅឆ្នាំ២០២០៕

គោលដៅនៃការកាត់បន្ថយថ្លៃអគ្គិសនីទាំង ៦គោលដៅ