សហព័ន្ធ ចេញសេចក្ដីប្រកាស រឿងវិវាទការផ្ទេរកីឡាកររវាងភ្នំពេញក្រោន និងវិសាខា

2018-12-26 06:14:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃទី២៦ ខែធ្នូនេះ សហព័ន្ធកីឡាបាល់ទាត់កម្ពុជា (FFC) បានចេញសេចក្ដីប្រកាសព័ត៌មាន ជុំវិញវិវាទនៃការផ្ទេរកីឡាកររវាងក្លឹបបាល់ទាត់ភ្នំពេញក្រោន និងក្លឹបបាល់ទាត់វិសាខា។ នៅក្នុងសេចក្ដីប្រកាសនោះ សហព័ន្ធ បានបំភ្លឺ ៤ចំណុច ដែលក្នុងនោះ ២ចំណុច ទាក់ទងនឹងវិវាទរវាងក្លឹបទាំង២។

២ចំណុចនោះ រួមមាន៖

១. ក្លឹបបាល់ទាត់វិសាខា ព្រមផ្ដល់ប្រាក់ឧបត្ថម្ភថ្លៃហូបចុក ស្នាក់នៅ និងបណ្ដុះបណ្ដាលជូនក្លឹបកីឡាបាល់ទាត់ភ្នំពេញក្រោន ដែលបានបណុះបណ្ដាលកីឡាករទាំង ៥រូបនោះ នាពេលកន្លងមក។

២. សហព័ន្ធកីឡាបាល់ទាត់កម្ពុជា នឹងដាក់ឆ្លងនូវសេចក្ដីព្រាងច្បាប់ស្ដីពីការគ្រប់គ្រងការផ្ទែរកីឡាករក្នុងស្រុក នៅក្នុងមហាសន្និបាតពេញអង្គរបស់ FFC នាដើមឆ្នាំ២០១៩។

កីឡាករយុវជនភ្នំពេញក្រោនទាំង ៥ រូប ដែលវិសាខាធ្វើពិធីបង្ហាញ កាលពីថ្ងៃទី១៦ ខែធ្នូ

សូមរំលឹកថា គួររំលឹកថា កាលពីថ្ងៃទី១៦ ខែធ្នូកន្លងទៅ ក្លឹបវិសាខា បានធ្វើពិធីបង្ហាញខ្លួនកីឡាករថ្មីចំនួន ១២នាក់ ដែលក្នុងនោះ ៥នាក់ជាកីឡាករយុវជនភ្នំពេញក្រោន ដែលរួមមាន ស៊ិន កក្កដា អ៊ិន សុដាវីដ អ៊ុក សុវណ្ណ គីម ឆាយ៉ា និងកែន ច័ន្ទសុភ័ក្រ្ត។ រំលងបាន១ថ្ងៃ ពោលគឺនៅថ្ងៃទី១៧ ខែធ្នូ ក្លឹបភ្នំពេញក្រោនបានចេញសេចក្ដីថ្លែងការណ៍ ដោយប្រកាសថា៖ «ក្លឹបនឹងមិនចេញលិខិតអនុញ្ញាតិសម្រាប់កីឡាករណាម្នាក់ដែលស្ថិតក្នុងគម្រោងនៃការបណ្តុះបណ្តាលថ្នាលរបស់ភ្នំពេញក្រោនទៅកាន់ក្លឹបដទៃដោយមិនមានតម្លៃសំណងអភិវឌ្ឍន៍នោះឡើយ ហើយប្រសិនបើបញ្ហានេះមិនត្រូវបានដោះស្រាយដោយសមស្របទេ ក្លឹបបាល់ទាត់ភ្នំពេញក្រោននឹងបញ្ឈប់សកម្មភាពអភិវឌ្ឍបាល់ទាត់ថ្នាលទាំងអស់ ហើយនឹងប្រកាសដកខ្លួនចេញពីការប្រកួតលីគកំពូលកម្ពុជា ឬមិត្តហ្វូនខេមបូឌានលីគផងដែរ»។

សូមអានសេចក្ដីប្រកាសព័ត៌មានរបស់ FFC ទាំងស្រុងដូចខាងក្រោម៖