លោក ត្រាំ ទៅសួរសុខទុក្ខកងទ័ពអាមេរិកនៅអ៊ីរ៉ាក់ដ៏គួរឱ្យភ្ញាក់ផ្អើល ក្រោយប្រកាសដកទ័ពពីស៊ីរី
- 2018-12-27 04:05:14
- ចំនួនមតិ 0 | ចំនួនចែករំលែក 0
លោក ត្រាំ ទៅសួរសុខទុក្ខកងទ័ពអាមេរិកនៅអ៊ីរ៉ាក់ដ៏គួរឱ្យភ្ញាក់ផ្អើល ក្រោយប្រកាសដកទ័ពពីស៊ីរី
ចន្លោះមិនឃើញ
ប្រធានាធិបតីអាមេរិក លោក ដូណាល់ ត្រាំ បានទៅសួរសុខទុក្ខកងទ័ពអាមេរិក នៅក្នុងប្រទេសអ៊ីរ៉ាក់ កាលពីថ្ងៃទី២៦ ខែធ្នូ ឆ្នាំ២០១៨ និងត្រូវបានសារព័ត៌មានបរទេស ហៅថាជាដំណើរលើកដំបូងរបស់លោក ដ៏គួរឱ្យភ្ញាក់ផ្អើល។
ដំណើរទស្សនកិច្ចរបស់លោក ត្រាំ នេះធ្វើឡើងតែប៉ុន្មានថ្ងៃប៉ុណ្ណោះបន្ទាប់ពីលោកប្រកាសដកទ័ពចេញពីស៊ីរី និងអាហ្វហ្គានីស្ថាន។
ថ្លែងទៅកាន់កងទ័ពនៅមូលដ្ឋានទ័ពអាកាស Al Asad នៅភាគខាងលិចប្រទេសអ៊ីរ៉ាក់ លោក ដូណាល់ ត្រាំ បានការពារការប្រកាសដកទ័ពនេះ។ លោកថា វត្តមានរបស់ទ័ពអាមេរិក នៅស៊ីរី គឺមិនមានបំណងធ្វើជាអចិន្រ្តៃយ៍ឡើយ។
ជាមួយគ្នានោះ លោកក៏បានបញ្ជាក់បន្ថែមទៅកាន់អ្នកកាសែតផងដែរថា កងកុម្មង់ដូអាមេរិក ដែលនៅព្រំដែនក្នុងប្រទេសអ៊ីរ៉ាក់ អាចនឹងចូលវាយឆ្មក់ និងបំពេញបេសកកម្មនានានៅក្នុងប្រទេសស៊ីរីបាន៕