គ.ជ.ប បង្ហាញចំនួនឈ្មោះក្នុងបញ្ជីបោះឆ្នោតឆ្នាំ២០១៨

2018-12-27 06:25:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចផ្តល់សុពលភាពបញ្ជីបោះឆ្នោតផ្លូវការឆ្នាំ២០១៨ ដូចខាងក្រោម៖

-ប្រជាពលរដ្ឋចុះឈ្មោះបោះឆ្នោតថ្មីចំនួន ១៩៥ ៣៨៥ នាក់

-ប្រជាពលរដ្ឋត្រូវលុបឈ្មោះចេញពីបញ្ជីចំនួន ៥៦ ៩៤១ នាក់

-ប្រជាពលរដ្ឋស្នើសុំកែតម្រូវទិន្នន័យចំនួន ១ ៥៥៣ នាក់

-ប្រជាពលរដ្ឋផ្ទេរចូលចំនួន ២៦ ២២៤ នាក់

-ប្រជាពលរដ្ឋសរុបដែលមានឈ្មោះក្នុងបញ្ជីបោះឆ្នោតឆ្នាំ២០១៨ ចំនួន ៨ ៥៤៤ ៨៨៥នាក់។

របាយការណ៍ខាងលើនេះ ត្រូវបានបង្ហាញដោយលោក លោក ឌុច សុន សមាជិក គ.ជ.ប ក្នុងកិច្ចប្រជុំជាមួយភាគីពាក់ព័ន្ធ ស្តីពីការផ្តល់សុពលភាព និងការប្រកាសផ្សាយបញ្ជីបោះឆ្នោតផ្លូវការឆ្នាំ២០១៨ និងចំនួនការិយាល័យបោះឆ្នោតនៅទីស្តីការ គ.ជ.ប នាព្រឹកថ្ងៃទី២៧ ខែធ្នូ ឆ្នាំ២០១៨។ ការប្រកាសនេះ ធ្វើឡើងបន្ទាប់ពីបាន គ.ជ.ប បានបញ្ចប់ការបិទផ្សាយបញ្ជីបោះឆ្នោតដំបូង ការដោះស្រាយបណ្តឹងតវ៉ា និងបណ្តឹងជំទាស់ចប់រួចរាល់។

សម្រាប់ការិយាល័យបោះឆ្នោតវិញ លោក ឌុច សុន បានបញ្ជាក់ថា មានការកើនឡើងចំនួន ៣២៧ ការិយាល័យ (ពី ២២ ៩៦៧ ការិយាល័យក្នុងឆ្នាំ២០១៧ ទៅដល់ ២៣ ២៩៤ ការិយាល័យក្នុងឆ្នាំ២០១៨)។

សូមជម្រាបថា ចំពោះបញ្ជីបោះឆ្នោតផ្លូវការឆ្នាំ២០១៨ គ.ជ.ប នឹងផ្សព្វផ្សាយជាសាធារណៈនៅថ្ងៃទី៣១ ខែធ្នូ ឆ្នាំ២០១៨។ បញ្ជីបោះឆ្នោតផ្លូវការនេះ គ.ជ.ប នឹងត្រូវបញ្ជូនទៅរក្សាទុកជាឯកសារនៅលេខាធិការដ្ឋាន រាជធានីខេត្តរៀបចំការបោះឆ្នោត និងនៅតាមសាលាឃុំ-សង្កាត់ចំនួន ១៦៤៦ ទូទាំងប្រទេស៕

អត្ថបទ៖ សោភា