រោងចក្រនៅតៃវ៉ាន់ ងាកទៅរកហ្វីលីពីន ដើម្បីគេចពីសង្គ្រាមពាណិជ្ជកម្ម

2018-12-27 07:23:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រោងចក្រដំឡើងឧបករណ៍បច្ចេកវិទ្យាមួយចំនួន ដែលមានមូលដ្ឋាននៅចិនតៃវ៉ាន់ កំពុងងាកទៅរកប្រទេសហ្វីលីពីន ដើម្បីបើករោងចក្ររបស់ខ្លួន និងដើម្បីគេចចេញពីផលប៉ះពាល់នៃសង្គ្រាមពាណិជ្ជកម្ម រវាងចិន និងអាមេរិក។ ក្នុងនោះក៏មានរោងចក្រដំឡើងគ្រឿងបង្គំឲ្យក្រុមហ៊ុនអាមេរិក Apple ផងដែរ។ នេះបើយោងតាមការបញ្ជាក់ពីអនុរដ្ឋមន្ត្រីពាណិជ្ជកម្មហ្វីលីពីន លោក Ceferino Rodolfo ប្រាប់នៅក្នុងខែធ្នូនេះ។

លោករដ្ឋមន្ត្រីបានឲ្យដឹងថា ក្រុមហ៊ុនដែលកំពុងចរចាជាមួយហ្វីលីពីន ដើម្បីបើករោងចក្ររបស់ខ្លួននៅក្នុងប្រទេសនេះ មានដូចជា Wistron Infocomm ដែលផលិតគ្រឿងបង្គំកុំព្យូទ័រ (ដូចជា៖ Mainboard, ក្រាហ្វិកកាត, Server ជាដើម) និងក្រុមហ៊ុន Catcher Technology ដែលមានរោងចក្រនៅតៃវ៉ាន់ និងចិនដីគោក។

លោក Rodolfo បានបង្ហើបយ៉ាងខ្លីថា ក្រុមហ៊ុន Catcher Technology គ្រោងសាងសង់រោងចក្រលើផ្ទៃដី ៦០ហិកតា។ ចំពោះទំហំវិនិយោគ លោកមិនបានបញ្ជាក់នោះទេ។

កិច្ចព្រមព្រៀងទ្វេភាគី ហ្វីលីពីន និងតៃវ៉ាន់ ដែលត្រូវបានចុះហត្ថលេខាកាលពីឆ្នាំ២០១៧ បានដើរតួនៅក្នុងការទាក់ទាញក្រុមហ៊ុនតៃវ៉ាន់ ទៅវិនិយោគនៅប្រទេសហ្វីលីពីន៕

ប្រភព៖ Straits Times ប្រែសម្រួល៖ លាភ.