វៀតណាម ខាតបង់ជិត ៩០០លានដុល្លារ ដោយសារគ្រោះធម្មជាតិក្នុងឆ្នាំ២០១៨
- 2018-12-28 07:24:08
- ចំនួនមតិ 0 | ចំនួនចែករំលែក 0
វៀតណាម ខាតបង់ជិត ៩០០លានដុល្លារ ដោយសារគ្រោះធម្មជាតិក្នុងឆ្នាំ២០១៨
ចន្លោះមិនឃើញ
គ្រោះធម្មជាតិនៅក្នុងប្រទេសវៀតណាម នាឆ្នាំ២០១៨នេះ បានធ្វើឱ្យមនុស្សស្លាប់ ២១៨នាក់ និងខាតបង់ថវិកាប្រមាណ ៨៦០លានដុល្លារ។ នេះបើតាមរបាយការណ៍របស់គណៈកម្មាធិការគ្រប់គ្រប់ និងការពារគ្រោះមហន្តរាយធម្មជាតិវៀតណាម ដែលត្រូវបានផ្សព្វផ្សាយនៅក្នុងកិច្ចប្រជុំមួយកាលពីថ្ងៃទី២៧ ខែធ្នូ ឆ្នាំ២០១៨។
បើទោះបីជាចំនួនអ្នកស្លាប់ និងការខូចខាត ក្នុងគ្រោះធម្មជាតិឆ្នាំ២០១៨នេះ មានទំហំតូចជាងឆ្នាំ២០១៦ និង ២០១៧ក៏ដោយ ប៉ុន្តែវាក៏បានបង្កការបំផ្លិចបំផ្លាញធ្ងន់ធ្ងរចំពោះវៀតណាមផងដែរ។ ក្នុងនោះ គ្រោះធម្មជាតិឆ្នាំ២០១៧ សម្លាប់មនុស្ស ៣៨៦នាក់ និងខាតបង់ថវិកាជិត ២,៥ពាន់លានដុល្លារ ខណៈឆ្នាំ២០១៦ ស្លាប់មនុស្ស ២៦៤នាក់ និងខាតបង់ថវិកាជិត ១,៧ពាន់លានដុល្លារ។
គ្រោះធម្មជាតិដែលកើតឡើងនៅក្នុងប្រទេសវៀតណាម នាឆ្នាំ២០១៨នេះរួមមាន៖ ព្យុះទីហ្វុង ១៣លើក, ទឹកជំនន់ធ្ងន់ធ្ងរ ១៤លើក, ចុះត្រជាក់ខ្លាំង ៤លើក, រលកកម្តៅ ១១លើក និងព្យុះភ្លៀងជាមួយល្បឿនខ្យល់ខ្លាំង ៣០លើក៕