ករណីផ្ទុះ១ នៅក្រុងញ៉ូយ៉ក បណ្ដាលឲ្យមេឃឡើងពណ៌ខៀវ
- 2018-12-28 07:34:29
- ចំនួនមតិ 0 | ចំនួនចែករំលែក 0
ករណីផ្ទុះ១ នៅក្រុងញ៉ូយ៉ក បណ្ដាលឲ្យមេឃឡើងពណ៌ខៀវ
ចន្លោះមិនឃើញ
រោងចក្រថាមពល Edison ដែលមានមូលដ្ឋាននៅកណ្ដាលក្រុងញ៉ូយ៉ក សហរដ្ឋអាមេរិក បានផ្ទុះបណ្ដាលឲ្យផ្ទៃមេឃ ឡើងពណ៌ខៀវ ក្នុងពេលរាត្រី ថ្ងៃទី២៧ ខែធ្នូ ឆ្នាំ២០១៨ (នៅអាមេរិក) និងបង្កការភ្ញាក់ផ្អើលដល់ប្រជាពលរដ្ឋនៅទីនោះ។ ពណ៌ខៀវនេះ បណ្ដាលមកពីសារធាតុគីមី នេអុង ចេញពីរោងចក្រ។
រូបភាពនានា ត្រូវបានគេចែកចាយពាសពេញបណ្ដាញសង្គម ចំពោះការផ្ទុះដែលកើតឡើងនៅក្នុងតំបន់ Queens។ នាយកដ្ឋានអគ្គិភ័យក្រុងញ៉ូយ៉ក បានឲ្យដឹងថា មិនមានអ្នករងរបួសពីហេតុការណ៍ផ្ទុះនេះឡើយ។
ហេតុការណ៍ផ្ទុះខាងលើ ធ្វើឲ្យរង្គើដល់អគារ និងបែកកញ្ចក់បង្អួច ខណៈមនុស្សម្នា នាំគ្នាចេញទៅឈរតាមដងផ្លូវ។ អគ្គិសនី បានដាច់រយៈពេលខ្លី តែបានត្រឡប់មកវិញជាធម្មតា។
យោងតាមក្រុមហ៊ុនតាមដានជើងហោះហើរ FlightAware ហេតុការណ៍ដដែលបានធ្វើឲ្យព្រលានយន្តហោះ LaGuardia នៅតំបន់ Queens បិទជាបណ្ដោះអាសន្ន ដោយមិនមានជើងហោះហើរណាមួយ អនុញ្ញាតឲ្យចាកចេញពីព្រលាន កាលពីម៉ោង ៩:២២នាទី ដល់ ម៉ោង ១០:២៣ នាទីយប់។ តែមកទល់ពេលនេះ ជើងហោះហើរ អាចដំណើរការជាធម្មតា។
សូមបញ្ជាក់ថា មិនទាន់មានការបញ្ជាក់ច្បាស់លាស់ពីមូលហេតុផ្ទុះនេះនៅឡើយទេ៕
What is happening in queens?!!!! It’s humming and changing psychedelic colors... tons of sirens?!! pic.twitter.com/xkskHdzOxo
— Juju Chang (@JujuChangABC) December 28, 2018