លោក ដូណាល់ ត្រាំ ទទួល "សំបុត្រដ៏អស្ចារ្យ" ពីលោក គីម ជុងអ៊ុន

2019-01-03 02:28:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីអាមេរិក លោក ដូណាល់ ត្រាំ បានអះអាងថា លោកបានទទួល "សំបុត្រដ៏អស្ចារ្យ" មួយពីមេដឹកនាំកូរ៉េខាងជើង លោក គីម ជុងអ៊ុន ដោយលោករំពឹងថា នឹងមានជំនួបកំពូលលើកទី២ កើតឡើងនាពេលខាងមុខនេះ។ លោក ដូណាល់ ត្រាំ ថ្លែងដូច្នេះក្នុងកិច្ចប្រជុំគណៈរដ្ឋមន្រ្តីកាលពីថ្ងៃទី២ ខែមករា ឆ្នាំ២០១៩។

លោក ត្រាំ និយាយយ៉ាងដូច្នេះថា៖ «យើងពិតជាបានបង្កើតនូវទំនាក់ទំនងដ៏ល្អមួយ។ យើងប្រហែលជាអាចនឹងមានកិច្ចប្រជុំមួយផ្សេងទៀត»។

ការលើកឡើងរបស់ប្រធានាធិបតីអាមេរិកខាងលើនេះ បន្ទាប់ពីលោក គីម ជុងអ៊ុន បានថ្លែងសុន្ទរកថាសម្រាប់ឆ្នាំសកល២០១៩កន្លងទៅនេះ ដោយអំពាវនាវឱ្យសម្រួលទណ្ឌកម្មមកលើកូរ៉េខាងជើង។ លោកព្រមានថា បើក្រុងវ៉ាស៊ីងតោន មិនគោរពតាមកិច្ចសន្យា ហើយបន្តបន្ថែមទណ្ឌកម្ម នោះក្រុងព្យ៊ុងយ៉ាង នឹងអាចផ្លាស់ប្តូរនូវការចរចានុយក្លេអ៊ែរជាមួយអាមេរិក។

ជាមួយគ្នានោះ លោក គីម ជុងអ៊ុន ក៏បានជំរុញឱ្យអាមេរិក បញ្ឈប់ការចល័តសព្វាវុធយុទ្ធសាស្រ្ត ទៅកាន់កូរ៉េខាងត្បូង និងផ្អាកការធ្វើសមយុទ្ធ ដែលមានគោលដៅប្រឆាំងនឹងកូរ៉េខាងជើងផងដែរ៕

ប្រភព៖ Sputnik News ប្រែសម្រួល៖ សំភី