Aguero បង្កើតរឿងមួយ ក្រោយរួមចំណែកឲ្យ Man City ឈ្នះ Liverpool

2019-01-04 01:41:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធ Sergio Aguero បានក្លាយជាកីឡាករដំបូងក្នុងក្របខណ្ឌ English Premier League ដែលអាចស៊ុតបញ្ចូលទី ក្នុង៧ប្រកួត ទល់នឹងគូប្រកួតតែមួយ ក្នុងផ្ទះរបស់ខ្លួន បន្ទាប់ពីស៊ុតគ្រាប់បាល់ឲ្យ Manchester City នាំមុខលើ Liverpool យប់មិញ។

Sergio Aguero ស៊ុតសំដៅទីរបស់ Liverpool (រូបថត៖ Reuters)

ម្ចាស់ផ្ទះ Manchester City បានយកឈ្នះ Liverpool ដោយលទ្ធផល ២-១ នៅកីឡដ្ឋាន Etihad កាលពីយប់មិញ។ ខ្សែប្រយុទ្ធ Aguero ស៊ុតបើកឆាក នៅនាទី៤០ មុនចប់តង់ទីមួយ។ ក្នុងនាទី៦៤ Liverpool វាយបកគ្រាប់តាមស្មើដោយខ្សែប្រយុទ្ធ Roberto Firmino តែម្ចាស់ផ្ទះ Man City បន្ថែមគ្រាប់ទី២ ដោយខ្សែប្រយុទ្ធ Leroy Sane នៅនាទី៧២។

គ្រាប់របស់ Aguero ជាគ្រាប់ទី១៥៣ របស់គេក្នុងក្របខណ្ឌ Premier League។ ខ្សែប្រយុទ្ធសញ្ជាតិអាហ្សង់ទីនរូបនេះ រកបាន ២៥០គ្រាប់ ក្នុងអាជីពរបស់ខ្លួន។

ជ័យជម្នះលើ Liverpool ធ្វើឲ្យ Man City តាមពីក្រោយក្រុមហង្សក្រហម ៤ពិន្ទុ ក្នុងតារាង និងនាំមុខ Tottenham Hotspur ២ពិន្ទុដែលឈរនៅលេខ៣។ គិតត្រឹមសប្ដាហ៍ទី២១ Liverpool មាន ៥៤ពិន្ទុ Man City មាន ៥០ពិន្ទុ ខណៈ Spurs មាន ៤៨ពិន្ទុ៕