ជាង៣ខែចុងក្រោយ រដ្ឋសភាបានអនុម័តសេចក្តីព្រាងច្បាប់ និងសេចក្តីស្នើច្បាប់ចំនួន៨
- 2019-01-04 03:16:32
- ចំនួនមតិ 0 | ចំនួនចែករំលែក 0
ជាង៣ខែចុងក្រោយ រដ្ឋសភាបានអនុម័តសេចក្តីព្រាងច្បាប់ និងសេចក្តីស្នើច្បាប់ចំនួន៨
ចន្លោះមិនឃើញ
សម្តេច ហេង សំរិន ប្រធានរដ្ឋសភា បានប្រកាសថា ក្នុងរយៈពេលជាង ៣ខែកន្លងមកនេះ សម័យប្រជុំរដ្ឋសភាលើកទី១ នីតិកាលទី៦ ចាប់ពីថ្ងៃទី៥ ខែកញ្ញា ឆ្នាំ២០១៨ មកដល់ថ្ងៃទី៣ ខែមករា ឆ្នាំ០១៩ បានអនុម័តសេចក្តីព្រាងច្បាប់ចំនួន៥ និងសេចក្តីស្នើច្បាប់ចំនួន៣។ ក្នុងនោះសេចក្តីព្រាងច្បាប់ចំនួន៥ ដែលស្នើឡើងដោយរាជរដ្ឋាភិបាលរួមមាន៖
១-សេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០១៩
២-សេចក្តីព្រាងច្បាប់ស្តីពី ការទូទាត់ ថវិការបស់រដ្ឋសម្រាប់ការគ្រប់គ្រងឆ្នាំ២០១៧
៣-សេចក្តីព្រាងច្បាប់ស្តីពីការអនុម័តយល់ព្រម លើៈកិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋសង្គមនិយមវៀតណាម ស្តីពីការចៀសវាងការយកពន្ធត្រួតគ្នា និងការបង្ការការកិបកេងបន្លំពន្ធពាក់ព័ន្ធនឹងពន្ធលើប្រាក់ចំណូលនិងកិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រ កម្ពុជា និងរដ្ឋាភិបាលនៃសាធារណរដ្ឋឥណ្ឌូណេស៊ី ស្តីពីការចៀសវាងការយកពន្ធត្រួតគ្នា និងការបង្ការការកិបកេងបន្លំពន្ធពាក់ព័ន្ធនឹងពន្ធលើប្រាក់ចំណូល។
៤-សេចក្តីព្រាងច្បាប់ស្តីពីការ អនុម័តយល់ព្រមលើសន្ធិសញ្ញា ស្តីពីបត្យាប័នរវាងព្រះរាជាណាចក្រកម្ពុជា និងសហព័ន្ធរុស្ស៊ី
និង៥-សេចក្តីព្រាងច្បាប់ស្តីពីបរធនបាលកិច្ច។
១-សេចក្តីស្នើច្បាប់ស្តីពីវិសោធនកម្មមាត្រា ៤៥ថ្មី(ស្ទួន) នៃ ច្បាប់ ស្តីពីគណបក្ស នយោបាយ,
២-សេចក្តីស្នើច្បាប់ស្តីពីវិសោធនកម្មច្បាប់ស្តីពីការគ្រប់គ្រងរដ្ឋបាល រាជធានី ខេត្ត ក្រុង ស្រុក ខណ្ឌនិង
៣-សេចក្តីស្នើច្បាប់ស្តីពីវិសោធនកម្មច្បាប់ស្តីពីការបោះឆ្នោតជ្រើសរើសក្រុមប្រឹក្សា រាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ។
ក្រៅពីនេះ រដ្ឋសភាបានសម្រេចបាននូវសមិទ្ធផលមួយចំនួនទៀតដូចជា៖
១-សម្រេចអំពីសុពលភាពនៃអាណត្តិរបស់បេក្ខជនជាប់ឆ្នោតតំណាងរាស្ត្រ១២៥រូបនីតិកាលទី៦នៃរដ្ឋសភា។
២- អនុម័តបទបញ្ជាផ្ទៃក្នុងនៃរដ្ឋសភា នីតិកាលទី៦។
៣- បោះឆ្នោតជាកញ្ចប់ ដើម្បីជ្រើសតាំងប្រធាន អនុប្រធានរដ្ឋសភា ប្រធាន អនុប្រធានគណៈកម្មការជំនាញទាំងអស់នៃរដ្ឋសភា និងផ្តល់សេចក្តីទុកចិត្តចំពោះរាជរដ្ឋាភិបាល។
៤- សម្រេចអំពីសុពលភាពនៃអាណត្តិរបស់បេក្ខជនជាប់ឆ្នោតតំណាងរាស្ត្រចំនួន៣៨រូបជំនួសតំណាងរាស្ត្រដែលបានលាលែងនីតិកាលទី៦ នៃរដ្ឋសភា។ ៥-បោះឆ្នោតជ្រើសតាំងបំពេញបន្ថែមសមាជិកគណៈកម្មការនានានៃរដ្ឋសភា។
គួរជម្រាបថា សម័យប្រជុំរដ្ឋសភាលើកទី១នីតិកាលទី៦ កាលពីព្រឹកថ្ងៃទី៣ ខែមករា ឆ្នាំ២០១៩។ ចំពោះសម័យប្រជុំរដ្ឋសភាបន្ត នឹងមានជូនដំណឹងពេលក្រោយ៕