Spurs យកឈ្នះ Chelsea គំរាម Man Utd មុនជួបគ្នាចុងសប្ដាហ៍

2019-01-09 01:52:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមមាន់ខ្មាយមាស Tottenham Hotspur បានយកឈ្នះក្រុមតោខៀវ Chelsea នៅក្នុងការប្រកួតជើងទី១ វគ្គពាក់កណ្ដាលផ្តាច់ព្រ័ត្រ ពានរង្វាន់ Carabao Cup ឬ League Cup ដោយលទ្ធផល ១-០ កាលពីយប់មិញ។ ជ័យជម្នះនេះ គឺមុននឹងក្រុមម្ចាស់ផ្ទះ Spurs បើកទ្វារកីឡដ្ឋានស្វាគមន៍ក្រុមបិសាចក្រហម Manchester United ក្នុងជំនួបលីគកំពូលអង់គ្លេស នៅចុងសប្ដាហ៍នេះ។

Kane ស៊ុតបាល់ ១១ម៉ែត្រ បញ្ចូលទី Chelsea ជួយ Spurs យកឈ្នះ ១-០ (រូប៖ Daily Mail)

Spurs បានយកធ្វើការនាំមុខ និងជាគ្រាប់ជ័យជម្នះលើ Chelsea បន្ទាប់ពីខ្សែប្រយុទ្ធសញ្ជាតិអង់គ្លេស Harry Kane ទទួលបានបាល់ពិន័យ១១ម៉ែត្រ ស៊ុតបញ្ចូលទីនៅនាទី២៦ ក្នុងតង់ទីមួយ។ ជើងទី២ វគ្គពាក់កណ្ដាលផ្តាច់ព្រ័ត្រ ពានរង្វាន់ League Cup នឹងត្រូវធ្វើឡើងនៅទឹកដីរបស់ Chelsea នាថ្ងៃទី២៥ ខែមករា ឆ្នាំ២០១៩ ខាងមុខនេះ។

សូមជម្រាបថា Spurs នឹងត្រូវជួប Man Utd ក្នុងការប្រកួតសប្ដាហ៍ទី២២ ក្របខណ្ឌ English Premire League នៅថ្ងៃទី១៣ ខែមករា ខាងមុខ។ Spurs ត្រូវការជ័យជម្នះដើម្បីបន្តដណ្ដើមចំណាត់ថ្នាក់លេខ២ ពី Manchester City ដែលមានពិន្ទុខុសគ្នា២ពិន្ទុ។ ចំណែក Man Utd ដែលមាន ៣៨ពិន្ទុ បើឈ្នះនឹងបន្តក្ដីសង្ឃឹម ក្នុងការប្រជែងយកចំណាត់ថ្នាក់លេខ៥ ពី Arsenal ដែលមាន ៤១ពិន្ទុ៕

អត្ថបទ៖ លាភ.