CDC យល់ព្រមលើគម្រោងបង្កើតរោងចក្រ នៅក្នុងខេត្ត២ ដែលមានតម្លៃសរុបជាង ២០លានដុល្លារ
- 2019-01-09 02:59:21
- ចំនួនមតិ 0 | ចំនួនចែករំលែក 0
CDC យល់ព្រមលើគម្រោងបង្កើតរោងចក្រ នៅក្នុងខេត្ត២ ដែលមានតម្លៃសរុបជាង ២០លានដុល្លារ
ចន្លោះមិនឃើញ
គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា (CDC) កាលពីថ្ងៃទី៨ ខែមករា ឆ្នាំ២០១៩ បានសម្រេចចេញវិញ្ញាបនបត្រចុះបញ្ជីជាស្ថាពរ លើគម្រោងបង្កើតរោងចក្ររបស់ក្រុមហ៊ុនចំនួន៣ នៅខេត្តកំពង់ស្ពឺ និងខេត្តកណ្តាល ដែលមានតម្លៃសរុបជាង ២០លានដុល្លារ។
គម្រោងទាំងនោះរួមមាន៖
១- ក្រុមហ៊ុន MILLENNIUM PLASTIC AND METAL PRODUCTS CO.,LTD.៖ គម្រោងបង្កើតរោងចក្រផលិតគ្រឿងបន្សំស្បែកជើង ដែលមានទីតាំងវិនិយោគស្ថិតនៅភូមិអង្គរោង ឃុំមហាឫស្សី ស្រុកគងពិសី ខេត្តកំពង់ស្ពឺ មានទុនវិនិយោគប្រមាណ ២,១២លានដុល្លារ និងអាចបង្កើតការងារបានចំនួន ២០៥កន្លែង។
២- ក្រុមហ៊ុន THE SOUL GEAR (CAMBODIA) CO.,LTD.៖ គម្រោងបង្កើតរោងចក្រផលិតកាបូប និងកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិទួលសាលា ឃុំព្រៃពួច ស្រុកអង្គស្នួល ខេត្តកណ្តាល មានទុនវិនិយោគប្រមាណ ១៤,៩៨លានដុល្លារ និងអាចបង្កើតការងារបានចំនួន ៣៩០៤កន្លែង។
៣- ក្រុមហ៊ុន JIE RUI FENG (CAMBODIA) LEATHER CO.,LTD.៖ គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅផ្លូវជាតិលេខ៥១ ភូមិអង្គតាសិត ឃុំទួលព្រេជ ស្រុកអង្គស្នួល ខេត្តកណ្តាល មានទុនវិនិយោគប្រមាណ ៣,៦៥លានដុល្លារ និងអាចបង្កើតការងារបានចំនួន ៨៩០កន្លែង៕