រដ្ឋាភិបាលសម្រេចបង្កើតតំបន់ការពារទេសភាព «បឹងលំកុដ» លើទំហំផ្ទៃដីជាង ១០០ហិកតា
- 2019-01-09 06:26:10
- ចំនួនមតិ 0 | ចំនួនចែករំលែក 0
រដ្ឋាភិបាលសម្រេចបង្កើតតំបន់ការពារទេសភាព «បឹងលំកុដ» លើទំហំផ្ទៃដីជាង ១០០ហិកតា
ចន្លោះមិនឃើញ
រាជរដ្ឋាភិបាលកម្ពុជា បានសម្រេចបង្កើតតំបន់ការពារទេសភាព «បឹងលំកុដ» ដែលមានផ្ទៃដីទំហំ ១១០,៩១ហិកតា ស្ថិតក្នុងភូមិសាស្រ្ត ឃុំសេដា ស្រុកលំផាត់ ខេត្តរតនគិរី។ នេះបើយោងតាមអនុក្រឹត្យចុះហត្ថលេខាដោយសម្តេចនាយករដ្ឋមន្រ្តី ហ៊ុន សែន កាលពីថ្ងៃទី២៥ ខែធ្នូ ឆ្នាំ២០១៨ និងត្រូវបានផ្សព្វផ្សាយជាសាធារណៈនៅថ្ងៃទី៩ ខែមករា ឆ្នាំ២០១៩។
-ធានាការថែរក្សា និងការពារសោភ័ណភាពធម្មជាតិ ប្រព័ន្ធអេកូឡូស៊ី សារព័នមជ្ឈដ្ឋានធម្មជាតិ សត្វព្រៃ រុក្ខជាតិ និងវប្បធម៌។
-ថែរក្សាការពារលំនឹងបរិស្ថាន និងរួមចំណែកកាត់បន្ថយការប្រែប្រួលអាកាសធាតុ និងហានិភ័យគ្រោះមហន្តរាយធម្មជាតិ។
-ផ្តល់ផលិតផល និងសេវាកម្មធម្មជាតិសម្រាប់ការប្រើប្រាស់ប្រកបដោយនិរន្តរភាព។
-លើកកម្ពស់ការចូលរួមរបស់សហគមន៍មូលដ្ឋានក៏ដូចជាសាធារណជនក្នុងការរួមចំណែកដល់ការគ្រប់គ្រង ការការពារ និងការអភិរក្សជីវចម្រុះ និងធនធានធម្មជាតិក្នុងតំបន់។
-ថែរក្សាការពារ វប្បធម៌ ប្រពៃណី ការអភិវឌ្ឍ និងសារៈសំខាន់ផ្នែកវប្បធម៌ របស់សហគមន៍មូលដ្ឋាន។
-បង្កើនតួនាទីប្រព័ន្ធអេកូឡូស៊ី ក្នុងតំបន់ការពារធម្មជាតិ សម្រាប់ជាផលប្រយោជន៍ដល់សង្គមជាតិគ្រប់ជំនាន់។
បើតាមអនុក្រឹត្យដដែលនេះ បន្ថែមថា ផ្ទៃដីនៃតំបន់ការពារទេសភាព «បឹងលំកុដ» នេះ មិនរាប់បញ្ចូលដីកម្មសិទ្ធិឯកជន និងដីប្រើប្រាស់ជាប្រយោជន៍សាធារណៈឡើយ៕
អត្ថបទទាក់ទង៖ តំបន់ការពារទេសភាពនៅកម្ពុជា