សម្តេច ហ៊ុន សែន អរគុណចំពោះការផ្សាយព័ត៌មានវិជ្ជមានពីកម្ពុជា ទៅកាន់ពិភពលោក

2019-01-10 08:36:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន នៅថ្ងៃទី១០ ខែមករា ឆ្នាំ២០១៩នេះ បានសម្តែងការអរគុណដល់អ្នកសារព័ត៌មានជាតិ និងអន្តរជាតិ រួមទាំងបណ្តាញព័ត៌មានអនឡាញ និងអ្នកប្រើប្រាស់បណ្តាញសង្គមទាំងអស់ ដែលបានចូលរួមផ្សព្វផ្សាយអំពីកម្ពុជា ទៅកាន់ពិភពលោកក្នុងផ្លូវវិជ្ជមាន ដើម្បីប្រទេសកម្ពុជា កាន់តែរីកចម្រើនលឿនទៅមុខ។

ការលើកឡើងខាងលើនេះ ខណៈដែលសម្តេច ហ៊ុន សែន នឹងជួបជាមួយអ្នកកាសែត នាថ្ងៃទី១១ ខែមករា ឆ្នាំ២០១៩ នៅក្នុងកម្មវិធីបាយសាមគ្គី នៅកោះពេជ្រ។ សម្តេចបញ្ជាក់ថា ការរីកចម្រើនរបស់ប្រទេសជាតិ គឺមិនអាចកាត់ផ្តាច់ពីការចូលរួមរបស់អ្នកសារព័ត៌មានបានឡើយ។

«យើងបានបាត់បង់ឱកាសកសាងប្រទេសជាច្រើនឆ្នាំមកហើយដោយសារសង្រ្គាម។ ក្រោយពីប្រទេសជាតិមានសុខសន្តិភាពពេញលេញ គឺយើងត្រូវការទេសចរ ពាណិជ្ជករ និងអ្នកវិនិយោគទុនបរទេសជាច្រើនមកវិនិយោគនៅកម្ពុជា។ ដូច្នេះការចូលរួមផ្សព្វផ្សាយព័ត៌មានវិជ្ជមានពិតប្រាកដ គឺកាន់តែផ្តល់នូវទំនុកចិត្តដល់ទេសចរបរទេស និងវិនិយោគគិនបរទេស»។ នេះបើតាមការបង្ហោះនៅលើទំព័រហ្វេសប៊ុករបស់ប្រមុខរាជរដ្ឋាភិបាលកម្ពុជា។

សូមរំលឹកថា កាលពីខែធ្នូកន្លងទៅ សម្តេចនាយករដ្ឋមន្រ្តី ក៏បានលើកឡើងក្នុងសារលិខិតមួយដែរថា ការផ្សព្វផ្សាយព័ត៌មានក្លែងក្លាយបំប៉ោងសភាពការណ៍ ញុះញង់ឲ្យមានជម្លោះផ្ទៃក្នុង គឺរុញច្រានប្រទេសឲ្យធ្លាក់ក្នុងភាពវឹកវរ អសន្តិសុខ ឬបង្កឲ្យមានជម្លោះប្រដាប់អាវុធជាមួយប្រទេសជិតខាង ធ្វើឲ្យអន្តរាយដល់ប្រទេសជាតិ ដែលជាអំពើខុសច្បាប់មិនអត់អោនឲ្យជាដាច់ខាត៕

អត្ថបទ៖ សំភី