មួយជើងរបស់ Messi J កក្រើកបណ្ដាញសង្គម នៅថៃ

2019-01-11 01:42:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាឆ្នើម Chanathip Songkrasin ឬ Messi J បានជួយឲ្យក្រុមដំរីសឹកថៃ ទទួលបាន ៣ពិន្ទុជាលើកដំបូង ក្នុងវគ្គសន្សំពិន្ទុ ពានរង្វាន់ AFC Asian Cup 2019 បន្ទាប់ពីស៊ុតបំប៉ោងសំណាញ់ទី ១គ្រាប់ ក្នុងការប្រកួតទល់នឹងក្រុមបារ៉ែន កាលពីម្សិលមិញ។ ១គ្រាប់របស់ Messi J ជាគ្រាប់ជ័យជម្នះដែលថៃ ធ្វើបាន ១-០ លើបារ៉ែន ពេលចប់ការប្រកួត។

អ្នកគាំទ្រក្រុមបាល់ទាត់ជម្រើសជាតិថៃ បាននាំគ្នាបង្ហោះអបអរសាទរក្រុមរបស់ខ្លួន នៅក្នុងបណ្ដាញទំនាក់ទំនងសង្គម Twitter សម្រាប់ជ័យជម្នះទៅលើបារ៉ែន ក្នុងការប្រកួតទី២ បន្ទាប់ពីថៃ ទទួលបរាជ័យធ្ងន់ធ្ងរ ក្រោមថ្វីជើងក្រុមឥណ្ឌា ដោយលទ្ធផល ៤-១ កាលពីប្រកួតទី១។

នេះជាជ័យជម្នះលើកដំបូង របស់ថៃ ក្រោមការដឹកនាំរបស់គ្រូបង្វឹកបណ្ដោះអាសន្នលោក Sirisak Yodyardthai បន្ទាប់ពីបណ្ដេញគ្រូបង្វឹកសញ្ញាតិស៊ែប Milovan Rajevac ក្រោយចាញ់ឥណ្ឌា។

រូប៖ FA Thailand

ក្នុងពូល A ថៃ ឈរនៅចំណាត់ថ្នាក់លេខ៣ បណ្ដោះអាសន្ន ក្នុង ២ប្រកួត ស្មើជាមួយ ឥណ្ឌា ដែលបានចាញ់អារ៉ាប់រួម យប់មិញ។ ដូច្នេះ អារ៉ាប់រួម ឈរនៅលេខ១ មាន ៤ពិន្ទុ ខណៈបារ៉ែន ស្ថិតនៅលេខ៤ មាន ១ពិន្ទុ៕