ធឿន ធារ៉ា ទទួលតម្លៃខ្លួនប៉ុន្មាន ក្រោយផ្ដួលថៃឲ្យសន្លប់ទឹកទី១ នៅ Max Muay Thai?

2019-01-11 02:36:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយខកខានឡើងសង្វៀន Max Muay Thai មួយរយៈពេលធំមក អ្នកលេងកែងមកពីខេត្តព្រៃវែង ធឿន ធារ៉ា បានបង្ហាញខ្លួនជាថ្មី និងបានផ្ដួលកីឡាករថៃ SEUAFAI SOR.SAKSIT ឲ្យសន្លប់ក្នុងទឹកទី១ កាលពីថ្ងៃទី៦ ខែមករា ចុងសប្ដាហ៍កន្លងទៅ។

ធឿន ធារ៉ា បានឲ្យដឹងថា ការឡើងសង្វៀន Max Muay Thai ជាថ្មីនេះ ទទួលបានតម្លៃខ្លួនដដែល គឺប្រហែល ៦០០ដុល្លារ ប៉ុន្តែតំណែងជាគូឯកក្នុងកម្មវិធី មិនបានដូចមុនទេ ពីព្រោះបាត់មុខយូរពេក។ អ្នកលេងគុនខ្មែររូបនេះ ក៏មិនដឹងថាឡើងប្រកួតប៉ុន្មានដងទៀតដែរ ទើបអាចឈានក្លាយជាគូឯកដូចមុន។

ម្ចាស់មេដាយមាសថ្នាក់ជាតិ ២០១៧ ខាងលើបន្ថែមទៀតថា មុនពេលប្រកួតនៅថៃជាថ្មីនោះ ខ្លួនគិតថាប្រហែលមិនមានអ្នកគាំទ្រច្រើនដូចមុនទេ ប៉ុន្តែមិនមែនដូច្នោះឡើយ ពោលគឺនៅពេលប្រកួតតែម្ដង មានអ្នកគាំទ្រកម្ពុជាដែលធ្វើការនៅទីនោះ និងជនជាតិថៃបានស្រឡាញ់គាំទ្រច្រើនដដែល៕

ប្រភព៖ Sabay News អត្ថបទ៖ នួន ស៊ីណា