Samsung កំណត់ថ្ងៃចេញ Galaxy S10 ហើយ
- 2019-01-11 03:16:55
- ចំនួនមតិ 0 | ចំនួនចែករំលែក 0
Samsung កំណត់ថ្ងៃចេញ Galaxy S10 ហើយ
ចន្លោះមិនឃើញ
Samsung បានចាប់ផ្ដើមចែកលិខិតអញ្ជើញដល់អ្នកសារព័ត៌មាន ដែលបញ្ជាក់អំពីកម្មវិធី Galaxy Unpacked ប្រកាសចេញ Galaxy S10 ដោយធ្វើឡើងនៅទីក្រុង San Francisco នាថ្ងៃទី ២០ ខែកុម្ភៈ។
ការណ៍នេះមានន័យថា Galaxy S10 ប្រកាសចេញមុនកម្មវិធី MWC មួយសប្ដាហ៍ ខុសពីកន្លងទៅ ដែល Samsung ធ្លាប់ប្រកាសចេញស្មាតហ្វូនថ្មីក្នុងកម្មវិធី MWC ។ តាមការចុះផ្សាយរបស់សារព័ត៌មានកូរ៉េខាងត្បូង Korean Herald ឲ្យដឹងថា Samsung មានគម្រោងប្រកាសចេញ Galaxy S10 ក្នុងកម្មវិធី MWC នេះដែរ។ ប៉ុន្តែក្រុមហ៊ុនបានសម្រេចប្ដូរផែនការ ដោយសារមិនចង់ជាន់ពេលគ្នានឹងការប្រកាសស្មាតហ្វូនបត់បានរបស់ Huawei លើឆាក MWC។
Samsung បានបញ្ជាក់ថា ខ្លួននឹងប្រកាសចេញស្មាតហ្វូនប្រភេទនេះជាផ្លូវការនៅអំឡុងពាក់កណ្ដាលឆ្នាំ ២០១៩។ ក្នុងកម្មវិធី CES ក្រុមហ៊ុននេះបញ្ជាក់ថា ស្មាតហ្វូនបត់បានរបស់ខ្លួន ត្រៀមខ្លួនរួចរាល់សម្រាប់ការផលិតទ្រង់ទ្រាយធំ ដោយនឹងចេញលក់នៅអំឡុងពាក់កណ្ដាលឆ្នាំ ២០១៩៕