ប្រធានាធិបតីតៃវ៉ាន់ តែងតាំងនាយករដ្ឋមន្រ្តីថ្មី

2019-01-11 03:47:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីតៃវ៉ាន់ លោកស្រី Tsai Ing-wen នឹងតែងតាំងនាយករដ្ឋមន្រ្តីថ្មីគឺលោក Su Tseng-chang ដែលជាអតីតប្រធានគណបក្សវឌ្ឍនភាពប្រជាធិបតេយ្យ (DPP) រយៈពេល ២អាណត្តិ។ នេះបើតាមភ្នាក់ងារសារព័ត៌មានតៃវ៉ាន់នៅថ្ងៃទី១១ ខែមករា ឆ្នាំ២០១៩នេះ។

Su Tseng-chang ចាប់ដៃជាមួយលោកស្រី Tsai Ing-wen

ការតែងតាំងនេះ បន្ទាប់ពីលោកនាយករដ្ឋមន្រ្តី William Lai និងសមាជិកគណៈរដ្ឋមន្រ្តីទាំងមូល បានលាលែងពីតំណែង ដោយសារតែគណបក្ស DPP បានចាញ់ការបោះឆ្នោតថ្នាក់តំបន់កាលពីខែវិច្ឆិកា ឆ្នាំ២០១៨។ លោក William Lai បញ្ជាក់ថា ការលាលែងនេះ ជាការទទួលខុសត្រូវរបស់លោក ចំពោះការបរាជ័យក្នុងការបោះឆ្នោតនេះ។

ចំពោះការបរាជ័យនេះ លោកស្រី Tsai Ing-wen ក៏បានចុះចេញពីប្រធានគណបក្ស DPP នេះផងដែរ ដោយលោកស្រីបានសុំទោសអ្នកគាំទ្រទាំងអស់ និងធានាទទួលខុសត្រូវចំពោះលទ្ធផលបោះឆ្នោតនេះ ប៉ុន្តែលោកស្រីមិនលាលែងពីតំណែងប្រធានាធិបតីឡើយ ពោលគឺលោកស្រីនៅតែបន្តកាន់តំណែងនេះ រហូតដល់ការបោះឆ្នោតអាណត្តិក្រោយ ដែលគ្រោងនឹងធ្វើឡើងនៅខែមករា ឆ្នាំ២០២០៕

អត្ថបទទាក់ទង៖ ប្រធានាធិបតីតៃវ៉ាន់ លាលែងពីប្រធានបក្ស ក្រោយបរាជ័យក្នុងការបោះឆ្នោតថ្នាក់តំបន់

ប្រភព៖ Reuters ប្រែសម្រួល៖ សំភី