អគារស្នងការដ្ឋាននគរបាលរាជធានីភ្នំពេញថ្មីកម្ពស់៩ជាន់ នឹងត្រូវសាងសង់ឡើងដោយបំពាក់បច្ចេកទំនើប

2019-01-11 04:35:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានថ្លែងបញ្ជាក់ប្រាប់ [ខ្លីៗ] នាព្រឹកថ្ងៃទី១១ ខែមករា ឆ្នាំ២០១៩ថា អគារស្នងការដ្ឋាននគរបាលរាជធានីភ្នំពេញថ្មី គ្រោងនឹងសាងសង់ឡើងដោយមានកម្ពស់ ៩ជាន់។

ប្លង់គំរូអគារថ្មី

លោកថា អគារស្នងការដ្ឋាននគរបាលរាជធានីភ្នំពេញថ្មីនេះ គឺនៅទីតាំងចាស់ដដែល ដែលស្ថិតនៅតាមបណ្តោយផ្លូវ ៥៩៨ (ផ្លូវជាសុផារ៉ា) ពោលគឺមិនមានការផ្លាស់ប្តូរទៅណានោះទេ។ ទោះជាយ៉ាងណា លោកមិនទាន់អាចបញ្ជាក់ អំពីការចំណាយថវិកាសាងសង់អគារថ្មីនេះនៅឡើយ។

លោកឧត្តមសេនីយ៍ឯក ស ថេត ក្នុងកិច្ចប្រជុំមួយកាលពីថ្ងៃទី១០ ខែមករា ឆ្នាំ២០១៩

សូមជម្រាបថា នៅព្រឹកនេះ លោកឧត្តមសេនីយ៍ឯក ស ថេត បានដឹកនាំកិច្ចប្រជុំ ដោយផ្តោតទៅលើរបៀបវារៈសំខាន់ៗ ចំនួនពីរគឺ៖

ទី១. បង្កើតអនុគណៈកម្មការគ្រប់គ្រងការសាងសង់អគារស្នងការដ្ឋាននគរបាលរាជធានីភ្នំពេញថ្មី ដែលអគារនេះមានការិយាល័យធ្វើការសម្រាប់មន្ត្រីនគរបាលគ្រប់ផែន បំពាក់បច្ចេកវិទ្យាទំនើបតាមដានគ្រប់ហេតុការណ៍ក្នុងរាជធានីភ្នំពេញ ព្រមទាំងចំណតយានយន្តត្រឹមត្រូវ។

និងទី២.ត្រៀមរៀបចំសន្និបាតប្រចាំឆ្នាំដែលធ្វើឡើងនៅថ្ងៃទី២២ ខែមករា ឆ្នាំ២០១៩ ខាងមុខនេះ៕

អត្ថបទ៖ សោភា