ថៃ នឹងបង្កើតភ្លៀងសិប្បនិម្មិត នៅក្រុងបាងកក

2019-01-15 03:40:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អាជ្ញាធរថៃ នឹងប្រើប្រាស់យន្តហោះចំនួន ២គ្រឿង ដែលមានបំពាក់បច្ចេកវិទ្យាទំនើប ដើម្បីបង្កើតទឹកភ្លៀងសិប្បនិម្មិត នៅប៉ែកខាងកើត ក្រុងបាងកក នៅល្ងាចថ្ងៃអង្គារ ទី១៥ ខែមករា ឆ្នាំ២០១៩នេះ។ ការបង្កើតទឹកភ្លៀងនេះ ក្នុងគោលបំណងសម្អាតខ្យល់ក្នុងក្រុងបាងកក ដែលត្រូវបានបំពុលហួសកម្រិតអាសន្ន។

រូបថត៖ Basler Turbo Conversions

ប្រធាននាយកដ្ឋានអាកាសចរណ៍ ទឹកភ្លៀងសិប្បនិម្មិត និងកសិកម្ម Surasee Kittimonton បានថ្លែងឲ្យដឹងថា ការបង្កើតភ្លៀងសិប្បនិម្មិត នឹងប្រព្រឹត្តទៅចាប់ពីថ្ងៃអង្គារ រហូតដល់ថ្ងៃសុក្រ អាស្រ័យលើអាកាសធាតុជាក់ស្ដែង។

ការសម្អាតខ្យល់ដោយភ្លៀងសិប្បនិម្មិតនេះដែរ ត្រូវបានធ្វើឡើង បន្ទាប់ពីលោកនាយករដ្ឋមន្ត្រីថៃ ប្រាយុទ្ធ ចាន់អូចា សង្ងត់ធ្ងន់ពីបញ្ហានេះ អំឡុងដំណើរទៅកាន់ក្រុងឈៀងម៉ៃ ក្រោយពីរបាយការណ៍ស្ដីពីហានិភ័យចំពោះសុខភាព បង្កដោយការបំពុលខ្យល់។

ក្រសួងសុខាភិបាលថៃ បានធ្វើការណែនាំឲ្យប្រជាជនថៃ នៅក្រុងបាងកក ពាក់ម៉ាស់ ប្រសិនបើធ្វើដំណើរឆ្លងកាត់តំបន់ដែលប៉ះពាល់។ ចំណែករដ្ឋបាលក្រុងបាងកក បានធ្វើការចែកម៉ាស់ ជាង ១ម៉ឺនម៉ាស់ ឲ្យប្រជាជននៅតាមតំបន់សំខាន់ៗ៕

ប្រភព៖ Bangkokpost ប្រែសម្រួល៖ លាភ.