ពិធីការិនី វីតវីត ចង់បន្ថែមជំនាញថ្មីតែមានការបារម្ភ

2019-01-15 07:54:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កញ្ញា វីតវីត ធ្លាប់តែបង្ហាញខ្លួននៅមុខទស្សនិកជនក្នុងនាមជាពិធីការីនី និងតារាបង្ហាញម៉ូដ បានបង្ហើបថា នាងក៏មានស្រឡាញ់ និងមានកូនចិត្តចង់សម្តែងភាពយន្តដែរ តែនាងមានការបារម្ភដោយសារតែនាងមិនធ្លាប់សម្តែងភាពយន្តម្តងណាឡើយ។

វីតវីត បន្តថា ទោះជាខ្លួនមិនធ្លាប់មានបទពិសោធន៍លើការសម្ដែងក៏ពិតមែន តែបើផលិតករចាប់អារម្មណ៍ ប្រហែលជារូបនាងអាចពិចារណា។ នាងអះអាងថា ទោះជាតួមានចរិតបែបណា ក៏ខ្លួនអាចសម្ដែងបានទាំងអស់ មិនថា សុភាព ឡិកឡក់ កាច ពិសពុល នោះទេ ប៉ុន្តែវីតវីត ចាប់អារម្មណ៍ខ្លាំងលើរឿងបុរាណច្រើនជាង។

យ៉ាងណាមិញ សិល្បការិនីរូបនេះ នៅបារម្ភរឿងមួយទៀតផងដែរ ព្រោះជាធម្មតា សុខភាពរបស់ខ្លួនមិនសូវល្អនោះទេ ហើយឃើញរៀមច្បងថតភាពយន្តភាគច្រើន ហត់ខ្លាំង ដូច្នេះខ្លួនខ្លាចស៊ូមិនរួច។ មួយរយៈនេះ ការងារសិល្បៈរបស់ វីតវីត មមាញឹកគួរសម ដោយទទួលការងារខាងក្រៅច្រើនជាងនៅតាមទូរទស្សន៍៕