Theerathon របស់​ជម្រើស​ជាតិ​ថៃ ផ្ទេរ​ទៅ​កាន់​ក្លឹប​នៅ​លីគ​កំពូល​ជប៉ុន ជា​លើក​ទី​២​

  • 2019-01-16 02:02:09
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ខ្សែការពារ​ស្លាប​ Theerathon Bunmathan របស់​ក្រុម​ជម្រើស​ជាតិ​ថៃ និង​ក្លឹប​បាល់ទាត់ SCG Muang Thong United បាន​សម្រេច​ផ្ទេរ​ទៅកាន់​ក្លឹប​បាល់ទាត់​ Yokohama F-Marinos ដែលកំពុង​លេង​នៅ​ក្នុង​លីគ​កំពូល​ជប៉ុន។ នេះ​បើ​យោង​តាម​សេចក្ដីប្រកាស​ផ្លូវការ​ក្នុង​វេបសាយ​របស់​ក្លឹប​ Yokohama F-Marinos នៅ​ថ្ងៃ​ទី១៦ ខែ​មករា ឆ្នាំ​២០១៩​នេះ​។

ខ្សែការពារ​ស្លាប​ Theerathon Bunmathan (រូបថតផ្ដល់សិទ្ធិដោយ Reuters)
Theerathon ដែល​មាន​រួមចំណែក​ឲ្យ​ក្រុម​ជម្រើស​ជាតិ​ថៃ បាន​ឡើង​ទៅ​កាន់​វគ្គ​១៦​ក្រុម​ចុងក្រោយ ពានរង្វាន់ AFC Asian Cup 2019 កាលពី​ពេល​ថ្មី​ៗ​នេះ នឹង​ត្រូវ​ផ្ទេរ​ទៅ​កាន់​ក្លឹប​ដែល​បញ្ចប់​នៅ​ចំណាត់ថ្នាក់​លេខ​១២ នៅ​លីគ​កំពូល​ជប៉ុន កាល​ពី​រដូវ​កាល​២០១៨ ក្នុង​លក្ខខណ្ឌ​ខ្ចី​ជើង​។

សូម​ជម្រាប​ថា កាល​ពី​រដូវ​កាល​២០១៨ ខ្សែ​ការពារ​ស្លាប​ដែល​មាន​វ័យ ២៨ឆ្នាំ​រូប​នេះ ត្រូវ​បាន​ខ្ចីជើង​ ដោយ​ក្លឹប​បាល់ទាត់ Vissel Kobe នៅ​លីគ​កំពូល​ជប៉ុន​ដូចគ្នា ដោយ​បង្ហាញ​ខ្លួន​បាន​ ២៨​ប្រកួត៕

Theerathon Bunmathan អំឡុង​ការប្រកួត​រវាង​ជម្រើសជាតិថៃ និងអារ៉ាប់រួម នៅ AFC Asian Cup នាខែមករា ឆ្នាំ២០១៩ នេះ (រូបភាពផ្ដល់សិទ្ធិដោយ Reuters)

អត្ថបទ៖ លាភ.

អត្ថបទថ្មី
;