ទូតចិន ប្រាប់មូលហេតុអ្នកវិនិយោគចិន សម្រុកមកបណ្ដាក់ទុន នៅកម្ពុជា

2019-01-17 01:37:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្រ្ដីជាន់ខ្ពស់នៃស្ថានទូតចិតប្រចាំនៅកម្ពុជា បានលើកឡើងថា កំណើនវិនិយោគិនចិន បាននិងកំពុងមកបណ្តាក់ទុនរកស៊ី នៅកម្ពុជា យ៉ាង ច្រើនដែលជាចលករមួយក្នុងការលើកកម្ពស់សេដ្ឋកិច្ចកម្ពុជា។ ជាក់ស្តែងវិស័យដែលមើលឃើញថា មានការរីកចម្រើនខ្លាំងក្នុងពេលបច្ចុប្បន្ននេះ គឺពាក់ព័ន្ធនឹងវិស័យដីធ្លី និងសំណង់ ដែលសុទ្ធ សឹងតែជាការវិនិយោគរបស់អ្នកវិនិយោគទុនជនជាតិចិន។ នេះបើតាមការអះអាងរបស់មន្រ្ដីជាន់ខ្ពស់នៃស្ថានទូតចិតប្រចាំនៅកម្ពុជា។ នេះបើតាមការចុះផ្សាយរបស់ក្រសួងព័ត៌មាន កាលពីថ្ងៃទី១៦ ខែមករា ឆ្នាំ២០១៩។

លោក Wang wentian ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំកម្ពុជា (រូបថត៖ ក្រសួងព័ត៌មាន/ខឹម សុវណ្ណារ៉ា)

ថ្លែងក្នុងសន្និសីទសារព័ត៌មាន នៅរសៀលថ្ងៃទី១៦ ខែមករា ឆ្នាំ២០១៩ នៅស្ថានទូតចិនប្រចាំនៅកម្ពុជា លោក Wang wentian ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំកម្ពុជា បានលើកឡើងថា កំណើនអ្នកវិនិយោគចិនមកបណ្តាក់ទុនច្រើននៅកម្ពុជា ដោយសារទំនាក់ទំនងកិច្ចសហប្រតិបត្តិការរវាងចិន និងកម្ពុជា មានភាពរឹងមាំ និងរីកចម្រើន។ លោកបញ្ជាក់ថា ក្នុងនោះស្ថិរភាពនយោបាយនៅកម្ពុជា ក៏ជាកត្តាដែលជំរុញកំណើនអ្នកវិនិយោគចិន នៅកម្ពុជា បូករួមជាមួយរាជរដ្ឋាភិបាលកម្ពុជា ក៏ជាផ្នែកមួយទៀតដែលធ្វើ ឲ្យអ្នកវិនិយោគចិន មកបណ្តាក់ទុក នៅកម្ពុជា ច្រើនផងដែរ។

លោកឯកអគ្គរដ្ឋទូតបន្តថា មួយវិញទៀតបរិយាកាស និងគោលនយោបាយរបស់កម្ពុជាល្អ ក៏ជាកត្តារួមផ្សំដែលធ្វើឲ្យអ្នកវិនិយោគចិនមកបណ្តាក់ទុន នៅកម្ពុជា។ ជាមួយគ្នានេះ ការបង្កើនការវិនិយោគរបស់វិនិយោគិនចិន នៅកម្ពុជា គឺជាកិច្ចពង្រឹងកិច្ចសហប្រតិបត្តិការជាក់ស្តែងគ្រប់ជ្រុងជ្រោយរវាងប្រទេសទាំងពីរ។ លោកបានបន្ថែមថា តាមរយៈការវិនិយោគនៅកម្ពុជាកាន់តែច្រើននេះ នឹងធ្វើឲ្យសេដ្ឋកិច្ចរបស់កម្ពុជា កាន់តែមានការរីកចម្រើន និងបង្កើនឱកាស ការងារច្រើនដល់ពលរដ្ឋកម្ពុជាផងដែរ៕

អត្ថបទ៖ លាភ.