ក្រុមហ៊ុន១ នឹងប្រែក្លាយដីព្រៃទុកចោលនៅខេត្តកំពត ទៅជាចម្ការដូងក្រអូប-ទុរេន និងដំណាំចម្រុះ

2019-01-17 03:11:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុន ចំរើន សម្បត្តិ ខនស្ត្រាក់សិន ខូអិលធីឌី នឹងប្រែក្លាយដីព្រៃទុកចោលឲ្យក្លាយទៅជាចម្ការដូងក្រអូប ចម្ការទុរេន ដំណាំចំរុះ និងរីស៊ត( KC Farm & Resort) ផ្ទះលំហែកាយ សួនផ្កា និងតំបន់ទេសចរណ៍។ គម្រោងថ្មីនេះ ស្ថិតនៅលើផ្ទៃដីរាប់រយហិកតា ដែលមានចំងាយ ១១០គីឡូម៉ែត្រចេញពីរមណីយដ្ឋានវត្តភ្នំ តាមផ្លូវជាតិលេខ៣ ឬជាតិលេខ៤ និងតាមផ្លូវលេខ៤១ ក្នុងភូមិជ័យសេនា ឃុំតាកែន ស្រុកឈូក ខេត្តកំពត។

លោក ឃឹត ឈឿន អគ្គនាយកក្រុមហ៊ុនខាងលើនេះ បានបញ្ជាក់កាលពីថ្ងៃទី១៦ ខែមករា ឆ្នាំ២០១៩ថា នៅលើទំហំផ្ទៃដីនេះ លោកនឹងអភិវឌ្ឍតំបន់នោះ ឲ្យក្លាយទៅជាតំបន់កសិកម្មមានដំណាំចម្រុះនិងលំហែ។ ជាពិសេសចម្ការដូងក្រអូប ចម្ការទុរេន ងាយស្រួលប្រជាពលរដ្ឋប្រកបរបរចិញ្ចឹមជីវិត។ ក្នុងនោះក៏មានផ្ទះលំកាយកាយ មានសួនផ្កា សួនកម្សាន្ត ដែលអាចទាក់ទាញភ្ញៀវទេសចរទាំងក្នុងប្រទេសនិងក្រៅប្រទេស ទៅកម្សាន្តនិងស្នាក់នៅបែបធម្មជាតិពិតៗ។

លោកបន្តថា ចំពោះពូជដូងក្រអូបនិងបច្ចេកទេស អ្នកជំនាញ នាំចូលមកពីប្រទេសថៃ។ គម្រោងដែលមានរយៈពេលបីឆ្នាំនេះ ក៏មានរោងចក្រសម្រាប់កែច្នៃផងដែរ៕