ក្រសួងពាណិជ្ជកម្ម សោកស្ដាយនឹងរឿង EU យកពន្ធអង្ករកម្ពុជា
- 2019-01-18 01:47:55
- ចំនួនមតិ 0 | ចំនួនចែករំលែក 0
ក្រសួងពាណិជ្ជកម្ម សោកស្ដាយនឹងរឿង EU យកពន្ធអង្ករកម្ពុជា
ចន្លោះមិនឃើញ
សេចក្ដីថ្លែងការណ៍របស់ក្រសួងពាណិជ្ជកម្ម ឆ្លើយតបទៅនឹងសេចក្ដីប្រកាសរបស់សហភាពអឺរ៉ុប ស្ដីពីវិធានការការពារទីផ្សារដោយសហភាពអឺរ៉ុប (EU) មកលើអង្ករ (Indica Rich) នាំចេញពីកម្ពុជា ចុះថ្ងៃទី១៧ ខែមករា ឆ្នាំ២០១៩ បានឲ្យដឹងថា ក្រសួងពាណិជ្ជកម្ម បានសម្ដែងការសោកស្ដាយចំពោះសេចក្ដីសម្រេច អំពីការដាក់វិធានការយកពន្ធនាំចូលអង្ករពីកម្ពុជា។
ការចេញសេចក្ដីថ្លែងការណ៍របស់ក្រសួងពាណិជ្ជកម្ម បន្ទាប់ពីសហគមន៍អឺរ៉ុប នឹងចាប់ផ្តើមគិតពន្ធលើអង្កររបស់កម្ពុជា និងមីយ៉ាន់ម៉ា ដែលនាំចូលទៅកាន់ប្រទេសជាសមាជិក EU ២៨ប្រទេស សម្រាប់រយៈពេល៣ឆ្នាំ ចាប់ពីឆ្នាំ២០១៩ ដល់ ឆ្នាំ២០២១។
ក្រសួងពាណិជ្ជកម្ម បានឲ្យដឹងទៀតថា ការសម្រេចដាក់វិធានការការពារទីផ្សារដោយសហភាពអឺរ៉ុប មកលើអង្ករ (Indica Rich) ដែលមានប្រភពដើមពីកម្ពុជា មានឥទ្ធិពលគ្រប់គ្រាន់ សម្រាប់ដកហូតចំណូលរបស់ប្រជាកសិករក្រីក្រកម្ពុជា និងជាអាវុធសម្រាប់ធ្វើឃាតពួកគាត់ និងក្រុមគ្រួសារ ដែលកំពុងជាប់បំណុល ជាមួយនឹងស្ថាប័នឥណទាន ដែលបានផ្ដល់ប្រាក់កម្ចីដល់ពួកគាត់។
ក្រសួងពាណិជ្ជកម្មបន្ថែមថា ខ្លួនកំពុងពិនិត្យផ្ទៀងផ្ទាត់សេចក្ដីសម្រេចនេះ ដោយផ្អែកលើទិដ្ឋភាពច្បាប់ និងវិធានពាណិជ្ជកម្មអន្តរជាតិ ដើម្បីបន្តធ្វើការតវ៉ាជាមួយនឹងសេចក្ដីសម្រេចនេះ។ ក្រសួងក៏អំពាវនាវឲ្យគណៈកម្មការអឺរ៉ុប ពិនិត្យឡើងវិញនូវការសម្រេចរបស់ខ្លួន ដោយផ្អែកលើវិធានពាណិជ្ជកម្មអន្តរជាតិ និងចំណងកិច្ចសហប្រតិបត្តិការល្អរវាងកម្ពុជា និងសហភាពអឺរ៉ុប៕
អត្ថបទទាក់ទង
EU ចាប់ផ្តើមយកពន្ធនាំចូលអង្ករពីកម្ពុជា ជាង២០០ដុល្លារ ក្នុង១តោន ចាប់ពីថ្ងៃ១៨មករា
អ្នកនាំពាក្យរាជរដ្ឋាភិបាល៖ កម្ពុជាពុំមានឧបសគ្គក្នុងការបង់ពន្ធអង្ករទៅ EU ទេ
EU គ្រោងអនុវត្តពន្ធនាំចូល អង្ករកម្ពុជា ក្នុងសប្ដាហ៍នេះ